Wala kalugwa

CEBU, Philippines — Wala katambong si Pia Wurtzbach sa kasamtangang  Paris Fashion Week didto sa France. Wala na modetalye si Pia sa rason sa wala niya pagtambong sa maong kalihokan.   Kahinumdoman nga aktibo kaayo ang beauty queen sa pagtambong sa mga kalihokan sa niaging tuig nga dunay kalabotan sa fashion world.

Mag- konsyerto sa Amerika

Human nagmalampuson  sa  niaging tuig  ang iyang mga  gig sa laing nasud  , magpadayon gihapon ang mga konsyerto ni Gigi De Lana   sa laing  mga lugar sulod karong tuiga.  Gitakda siya nga mag-konsyerto sa umaabot nga mga buwan kauban ang banda niya nga Gigig Vibes sa  nagkadaiyang dapit sa Amerika nga sama sa San Francisco, Anchorage, Guam, ug New Orleans.

Private pilot

Hingpit na nga usa ka private pilot  ang aktor nga si Xian Lim  human nakompleto ang gilatid nga rekisitos  ug trainings .  "It's official! PRIVATE PILOT. Still in the clouds from everything that happened,”Instagram post ni Xian. 

Jennylyn gitawag og “romcom queen”

Tungod sa kalamposan ni Jennylyn Mercado  sa nangagi niya nga romantic comedy nga mga pelikula , gimugnaan ang aktres  og titulo sa iyang fans.

  Gitawag nila ang aktres og  “romcom queen”    ug gitataw nila   nga dili malimod  ang lig-ong talento niini  sa pag-arte.

“Siyempre, thankful. Hindi naman lahat ay nabibigyan ng chance na magkaroon ng title na ganoon. Masaya ako na ganoon ang tingin nila,” saysay pa ni Jen ngadto sa ABS-CBN News.

Usa  sa iyang gikabisihan karon mao ang iyang umaabot  nga  pelikula   nga "Everything About My Wife"  kun diin kauban niya  ang iyang bana nga si Denmis Trillo ug ang aktor nga si  Sam Milby .