CEBU, Philippines — Gibutyag ni Jillian Ward nga dili pa siya andam nga makasuway og kissing scene sa usa ka proyekto. Busa klaro na nga wala sila’y kissing scene ni Michael Sager sa bag-ong Kapuso series nga My Ilonggo Girl. Suma pa sa aktres nga dili pa siya komportable sa maong klase nga eksena.
Major project
Dili ikalimod ang maayo nga dagan sa showbiz career ni Ruru Madrid. Sa pagsulod sa 2025, gisugat dayon ang aktor og laing major project. Kini mao ang primetime series sa GMA Public Affairs nga Lolong: Bayani ng Bayan ."Ever since nagkaroon ng Lolong ng 2022, hindi ko po naisip na magkakaroon ng Book 2.So ngayon na nagkaroon kami ng ganitong opportunity, I'm just very grateful at hindi na kami makapaghintay na mapanood niyo po ito,” saysay pa sa aktor.
Magpares og balik sa concert
Ang pagbaton kanunay og kalinaw ug kalipay maoy pag-ampo ni Pops Fernandez alang sa iyang kanhi bana nga si Martin Nievera. Magsaulog si Martin iyang 63rd birthday karong Pebrero 5, 2025. Subling magpares sila si Pops ug Martin sa konsyerto nga Always & Forever nga paghimoon sa Mall of Asia Arena karong Pebrero 7.