Hapit moundang sa showbiz

CEBU, Philippines — Giangkon ni  Jillian Ward nga  makadaghan na nga higayon nga  ni-aksyon siya og biya sa showbiz  gumikan sa mga pagsulay sa kinabuhi. Hinoun nakat-on ang aktres alang sa pagsagobang sa mga kakulian hinungdan nga nagpadayon gihapon siya sa showbiz.  Si  Jillian ang bida sa  upcoming Kapuso  series nga "My Ilonggo Girl."

"Ningas ng Pag-Asa"  

Gi-release na ang  music video sa "Ningas ng Pag-Asa"   , ang  Tagalog version ni Jamie Rivera sa tema  sa Jubilee 2025 nga  Pilgrims of Hope.Naka-upload ang maong  music sa official YouTube page sa  Star Music. Ang maong awit  kay gipaluyohan sa record label nga  Inspire  Music. Nalakip usab  ang grupong 92AD sa pag-awit sa  "Ningas ng Pag-Asa".

Talento sa pagkanta

Gipasigarbo sa mag-uyab nga sila si Shaira Diaz ug  EA Guzman ang ilang  cover sa awit nila ni TJ Monterde ug KZ Tandingan nga  "Palagi." Pipila ka oras gikan sa pag-upload niini, gipistahan dayon kini sa netizens ug nakadawat og daghang pagdayeg.“PALAGI - Babas’ version. Pasensya na po at si Baba lang ang singer, ako hanggang pangarap lang hahaha,” Instagram post ni Shaira.

Taylor pasok sa Top Artists sa  21st Century

Nalandig sa No.1 ang Global pop star nga  Taylor Swift sa listahan sa  Top Artists sa  21st Century chart sa Billboard.

Gibase kini sa  performance sa  Billboard 200 ug sa mga awit sa  Billboard Hot 100, gikan niadtong  Enero  2000 hagngtod sa Disyembre 2024.

Nikulit og kasaysayan si   Taylor human  nahimutang sa  No. 1   ang iyang 14 ka albums sa Billboard 200.

Siya usab ang unang singer  nga nakaangkon og  10 positions sa  Hot 100  inubanan sa iyang mga awit   nga nalakip sa 2022 blockbuster album  nga Midnights.