Beauty wala nailhan ni Gozon

CEBU, Philippines — Kontento si Beauty Gonzalez sa dagan sa iyang career sa GMA-7. Nasayran nga tulo ka tuig na siya nga nag-alagad sa maong network.  Nagkatawang gibutyag sa aktres nga wala siya mailhi  sa dihang niduol siya sa  GMA Network chairman ug  former chief executive officer  nga si Atty Felipe L. Gozon atol sa Christmas special sa GMA-7. Hinoun nagpaila ang  aktres  sa iyang kaugalingon ug nagpasalamat siya kang Gozon gumikan sa mga proyekto nga iyang nadawat sa network.

Star-studded

Nagbaha ang celebrities  nga nitambong sa kasal na ni Jose Manalo ug Mergene Maranan sa niaging adlaw didto sa Boracay.Si Alden Richards ang best man , samtang ang groom's men kay naglangkob nila ni Ryan Agoncillo, Wally Bayola, Paolo Ballesteros, Allan K, ug  Mike Pekto Nacua. Samtang ang bridesmaids kay sila si   Hopia Boleche, Lian Paz, ug Joyce Burgos . Nasigpatan pud sa maong okasyon sila si  Tito Sotto, Helen Gamboa, Vic Sotto , Pauleen Luna , Joey de Leon ug uban pa .

CSA mitubag na

Gihimakak sa Colegio San Agustin (CSA) Makati ang gipabuhagay  ni Yasmien Kurdi nga matud pa biktima sa bullying ang iyang anak ug nahitabo kini sa nahisgotang eskwelahan.Matud pa sa  CSA, ang nahitabo kay usa lang ka  insidente kun diin duna ra'y  diskusyon ang mga estudyante kalabot sa pagpangandam sa  Christmas party.  "The school has immediately addressed the matter among the students and parents involved," tipik sa mensahe sa CSA.

Miss Universe Philippines Cebu 2025 Pambato sa Cebu City North milangkat sa korona

Ang representante sa  Cebu City North nga si  Gabriella Mai Carballo maoy nikulit sa titulo nga  Miss Universe Philippines Cebu 2025. Nahitabo ang koronasyon  niadtong Miyerkules sa gabii didto sa  Waterfront Cebu City Hotel and Casino.

Naangkon usab ni Gabriella ang pipila ka  minor ug special awards nga sama sa Miss Photogenic, Miss Waterfront Cebu City Hotel and Casino,, Face of Mags, Miss Rose Pharmacy, Miss Myra E, Immo-Plan Ambassadress,  Best Evening Gown ug Miss Skin911 Premiere.

Atol sa final round sa  Q and  A, gipahimug-atan niya ang importansya sa "environmental sustainability".

Ang final question kay  “As a proud Cebuana, how will you use your platform as Miss Universe Philippines Cebu to inspire change and contribute to the betterment of your community?”.

Nitubag dayon si Gabriella og, "“I've been advocating for environmental sustainability and protection for the last six years. And the biggest way that I’ve done that is making sure that our tourism industry remains sustainable. As the greatest contributor to waste in the whole Philippines predicted by 2025, it is important that we focus on this.... because I want to make sure that future Cebuanas and their children will live in a Cebu in which they can be safe forever."

Samtang ang pambato sa Naga City nga si Chella Grace Falconer maoy napili nga  Miss Universe Philippines Cebu Tourism 2025 .

Ang ubang mananaog kay naglangkob nila ni  AJ Queniahan (1st Runner-up – Miss Santa Fe), Jennifer Kim Emmerich (2nd Runner-up – Miss Moalboal) ug Jamie Javier (3rd Runner-up – Lapu- Lapu City).

Suma pa sa tag-iya sa Miss Universe Philippines Cebu nga si Irma Bitzer nga  gipasigarbo  gyud niya ang  katang-an sa tanang kandidata.

Ang  Miss Universe Philippines Cebu 2025 kay gipahigayon  karong  tuiga aron dili maapeke sa panahon ang  pambato sa Sugbo alang sa preparasyon nila sa national level sa maong indigay sunod tuig.

Kaabag pud ni Bitzer  sa MUPh Cebu mao ang creative director  nga si Danny Booc.

Mapasalamaton sila si Bitzer ug Booc sa tanang suporta nga ilang nadawat gikan sa katawhan nga maoy hinungdan nga nagmalampuson ang pagpahigayon nila sa indigay .

Special/ minor awards:

Miss Congeniality: AJ Queniahan (Santa Fe)

Miss Seahorse Yacht Philippines Ambassadress: AJ Queniahan (Santa Fe)

Miss PH Care: Jennifer Kim Emmerich (Moalboal)

Miss Anytime Fitness Ambassadress: Sarah Hudson (Consolacion)

Miss Waterfront Cebu City Hotel & Casino Ambassadress:

Gabriella Mai Carballo (Cebu City North)

Miss Photogenic: Gabriella Mai Carballo (Cebu City North)

Face of Kazuwa Prime: Jamie Javier (Lapu-Lapu City

Best in Swimwear by Skin 911: AJ Queniahan (Santa Fe)

Best in Production Number: Jamie Javier (Lapu-Lapu City)

Best in Evening Gown: Gabriella Mai Carballo (Cebu City North)

Miss Myra-E: Gabriella Mai Carballo (Cebu City North)

Face of MAGS: Gabriella Mai Carballo (Cebu City North)

Miss Rose Pharmacy: Gabriella Mai Carballo (Cebu City North)

Face of La Panetteria de Luigi: Katja Bacoy (Ronda)

Miss Vote Labs: Chain Lee Templo (Tuburan)

Miss Skin 911 Premier: Gabriella Mai Carballo (Cebu City North)

Best Skin 911 Medical: Chella Grace Falconer (Naga City )

Best Designer: Cris Cadungog ( Katja Bacoy of Ronda)

Atong Ang ug Sunshine dunay relasyon

Gikumpirmar sa  negosyante nga si Atong Ang nga duna sila 'y  relasyon ni  Sunshine Cruz.

Una na nga nikatap sa social media sa niaging mga semana ang video clip kun diin gihagkan ni Sunshine si Atong sa usa ka kalihokan .

“Kinumpirma mismo ni Atong Ang sa Bilyonaryo News Channel na may relasyon nga sila ni Sunshine Cruz," suma pa sa  broadcaster nga si Pinky Webb sa Bilyonaryo News Channel.

Samtang ang kanhi bana ni Sunshine nga si  Cesar Montano kay nipadayag nga malipayon siya alang sa mag-uyab .

"Saludo ako kay Atong for being man enough to admit his relationship with Shine. I sincerely wish that they will live happily ever after. They both deserve to be happy," matud pa ni Cesar.