CEBU, Philippines — Gibutyag ni BINI Jhoanna nga si Kathryn Bernardo maoy gihangad niya nga artista ug mao kini ang giisip niya nga inspirasyon sa pagsulod niya showbiz. Nakita niya ang pagka-maayong tawo sa iyang idolo ilabi na sa pamilya ug katrabaho niini ."Malaking inspiration ko talaga si ate Kathryn ever since. Lahat lang ng gawin niya, parang sobrang inspirational for me. Nai-inspire talaga ako, lahat - family, work ethics niya," matud pa ni Jhoanna sa interview niini ni Bernadette Sembrano
Grand Champion si Nevin
Si Nevin Adam Garceniego ang grand champion sa The Voice Kids atol sa live finale niini niadtong Domingo sa gabii. Ang maong batang singer nga nagikan sa Quezon City kay sakop sa "Tropa ni Pablo" o ubos sa pagtudlo ni Pablo nga miyembro sa Pinoy pop group nga SB19. Giawit niya sa final round ang "May Bukas Pa".Katigi niya atol sa final round sila si Jan Hebron Ecal sa Sorsogon, Mark Anthony "Makmak" Punay sa Cebu, Nevin Garceniego sa Quezon City, ug Wincess Jem Yana sa Cavite.
Laban Markki!
Nilarga na si Markki Stroem paingon sa Amerika aron irepresentar ang Pilipinas sa Mister Universe pageant nga gikatakdang mahitabo karong Disyembre 22, 2024 sa AVALON Hollywood sa Los Angeles, California. Moabot ngadto sa 48 ka official candidates ang magtigi sa maong indigay karong tuiga .
Kalig-on sa "Topakk" gipaneguro ni Sylvia
Gibutyag sa aktres nga si Sylvia Sanchez nga kampante ra siya nga positibo gyud ang mamahimong reaksyon sa mga tawo nga motan-aw sa gi-produce niya nga pelikula nga nag-ulohan og "Topakk".
Nasayran nga nataypan na ang maong pelikula sa global audience human kini nahimong kabahin kaniadto sa 78th Cannes Film Festival ( May 2023) ug 76th Locarno Film Festival sa Switzerland ( August 2023).
Ang " Topakk" kay opisyal nga entry sa Nathan Studios Inc. sa umaabot nga Metro Manila Film 2024.
Gipanag-iya ni Sylvia ang maong production company.
“Manood kayo. Kung hindi ninyo magustuhan, ibabalik ko 10 times ang pera ninyo,“ matud pa ni Sylvia atol sa presscon sa niaging adlaw nga gipahigayon sa JPark Island Resort and Waterpark.
Si Richard Somes ang direktor sa maong pelikula.
Ipasalida na kini sa mga sinehan sa nasud sugod karong Disyembre 25, 2024.
Ang maong pelikula kay gibidahan nila ni Arjo Atayde ug Julia Montes ,.
Nalakip usab niini sila si Niccolo Dans, Kokoy de Santos, Maureen Mauricio, Anne Feo, Gerhard Acao, Yian Gabriel, Levi Ignacio,Enchong Dee ug Cholo Barretto.
Luyo sa mga pagsulay Chito ug Neri misaulog sa ilang wedding anniversary
Subling gipabuhagay ni Chito Miranda ang dako niya nga paghigugma sa iyang asawa nga si Neri Naig alang sa kasaulogan sa ilang 10th wedding anniversary ,pipila ka semana ang nilabay human kini nag-atubang og kontrobersiya .
“Happy 10th Anniversary, asawa ko.After 10yrs of being married, masasabi ko talaga na mas mahal pa kita ngayon kesa nung una tayong nagmahalan," suma pa sa Parokya ni Edgar vocalist.
Gipasigarbo ni Chito ang iyang asawa kay bisan sa mga pagsulay nga gisagobang niini , nagpabilin kini nga maayong tawo .
“You are living proof that one can go through hell and back and still choose to be kind. Sobrang blessed ng mga anak natin to have you as their mom, and sobrang swerte ako to have you in my life, and I have never been happier.I will always take care of you, protect you, and will always love you hanggang tumanda tayo.I will always be with you, through thick and thin, for better, for worse, for richer, for poorer, in sickness and in health, until death do us part," ni Chito pa .
Kahinumdoman nga napriso ang aktres sa nilabay nga mga semana gumikan sa 14 counts nga kalapasan sa Securities Regulation Code ug syndicated estafa. Nakaangkon ang aktres og kawasan sa Pasay City Jail Female Dormintory human kini nakapiyansa ug padayon ang pagdungog sa kaso niini .
Mga Pinay nagmadaogon sa international pageants
Padayon nga naglawig sa international pageant stage ang mga Pinay beauty queen . Sa niaging gabii, ang pambato sa Pilipinas nga si Liana Barrido maoy napili nga Miss Tourism International 2024 ug gipahigayon ang maong indigay sa Sunway Resort Hotel sa Kuala Lumpur, Malaysia.
Sa susamang petsa sa kadaogan ni Liana , laing Pinay ang nakalangkat pud og pageant title ug kini mao si Patricia Payumo kinsa napili isip Miss Star International 2024 .
Gipahigayon ang maong indigay didto sa São Paulo, Brazil.
Ang Miss Star International 2024 kay beauty pageant alang sa transgender women.
Si Patricia maoy labing una nga transgender woman nga gikan sa Pilipinas nga nakaangkon sa maong korona.
Konsyerto sa Palasyo
Nagbaha ang mga artista nga nitambong sa Konsyerto sa Palasyo Para Sa Pelikulang Pilipino niadtong sa gabii didto sa Kalayaan Grounds sa Malacañang Palace.
Nangulo sa maong kalihokan sila si President Ferdinand Marcos Jr. ug First Lady Liza Araneta-Marcos nga niila sa mga tawong nakahatag og kontribusyon sa Philippine movie industry.
Sa taho sa PEP, pipila sa mga artista nga nitambong sa maong kalihokan kay sila si Christopher de Leon, Tirso Cruz III, Robin Padilla, Maricel Soriano, Sharon Cuneta, Phillip Salvador, Lorna Tolentino, Hilda Koronel, Chanda Romero, Boots Anson-Roa, ug Helen Gamboa.
Nasigpatan pud sila si Seth Fedelin , Francine Diaz, Aicelle Santos, Sid Lucero, Sue Ramirez, Cristine Reyes , Vice Ganda, Gladys Reyes, Kokoy de Satos , Arjo Atayde, Sylvia Sanchez JC Santos Ron Angeles , Uninvited; Enrique Gil, Rob Gomez, Alexa Miro,ug MJ Lastimosa.