Madonna ug Akeem nagbuwag
CEBU, Philippines — Nagbuwag na ang Queen of Pop nga si Madonna ug ang Jamaican soccer player nga si Akeem Morris.
Nagpangidaron si Madonna og 66 , samtang si Akeem kay 28 ug niulbo karon ang mga pagduda nga posible nga usa ang age gap sa rason sa ilang panagbuwag.
Gilikayan matud pa sa duha ang drama nga breakup hinungdan nga wala pa gyud sila mohatag og statement.
Song Jae Rim mipanaw
Nagmasulob-on ang showbiz industry didto sa South Korea human nipanaw ang 39 anyos nga aktor nga si Song Jae Rim.
Sa report sa soompi.com, gikumpirmar sa Seongdong Police Station sa Seoul nga nakaplagan nga wala na’y kinabuhi ang lawas ni Song Jae Rim sa apartment niini sa Seongdong District kagahapon.
Nakit-an pud sa iyang apartment ang duha ka pahina nga sulat , apan wala pa gipaambit sa otoridad kun unsay unod niini.
Wala gihapon masuta ang rason sa kamatayon ni Song Jae Rim.
“At this point in the investigation, there are no signs of foul play,” suma pa sa ka police official . Nisikat si Song Jae Rim human nilugwa siya sa mga K-drama nga Flower Boy Ramyun Shop (2011) , ug The Moon Embracing the Sun (2012) .
Nalakip pud siya sa The Idle Mermaid (2014), Unkind Ladies (2014), Thumping Spike (2016), Our Gap-soon (2016-2017), Clean With Passion For Now (2018-2019), Not Yet Thirty (2021),ug Queen Woo (2024).
Nahimo usab siya nga kabahin sa pelikulang Actresses.
- Latest
