Ellen nanganak na
CEBU, Philippines — Malipayong gipaambit ni Derek Ramsay ang taho nga nanganak na ang iyang asawa nga si Ellen Adarna. Matud pa sa aktor nga dili gyud masukod ang gibati niya nga kalipay pagkakita sa unang liwat nila ni Ellen. Kahinumdoman nga nagpakasal ang duha niadtong Nobyembre 2021."My world keeps getting better and better!" ,” Instagram post ni Derek.
“ Dream come true”
Gibutyag ni Ruru Madrid nga “ dream come true” ang pagkalakip niya sa pelikulang ‘Green Bones’ Dako ang iyang pasalamat sa GMA Public Affairs ug GMA Pictures sa dakong pagsalig niini sa iyang abilidad. “Unang lead role para sa ika-50th na taon ng Metro Manila Film Festival at kasama pa ang isa sa mga pinaka hinahangaan kong aktor na si Dennis Trillo mula sa direksyon ni Zig Dulay.Bawat pagod, bawat sakripisyo, at lahat ng paghahanda ay para sa pagkakataong ito," matud pa ni Ruru.
No.1 ang “Palagi”
Human sa kalamposan sa awit niya nga Palagi, nagsagunson ang mga konsyerto ni TJ Monterde .Gipahibalo niya nga duna pud siya’y major concert nga pagahimoon sa Araneta Coliseum karong Pebrero 1 , 2025. Nasayran nga nalandig sa No. 1 spot sa Top Philippine Songs chart sa Billboard Philippines ang awit nga “Palagi” ug nagsunod niini ang "Sining" nila ni Dionela ug Jay R nga gisundan dayon sa "Dilaw" ni Maki.
Ronnie misulod sa “Pulang Araw”
Gisuwayan og balik sa singer nga si Ronnie Liang ang pag-arte , ug gidawat niya ang offer nga mahimong kabahin sa Kapuso series nga "Pulang Araw!"
Sa iyang Instagram post, gipaambit niya ang hulagway kun diin katupad niya sila si Alden Richards ug Max Collins nga kuha sa set sa maong teleserye. Si Ronnie maoy nagpasikat sa awit nga “Ngiti”.
- Latest
