Basher gigathan ni Xyriel

CEBU, Philippines — Wala kaagwanta ang  aktres nga si Xyriel Manabat ug gitubag gyud niya ang iyang basher nga nanaway sa   kadako sa iyang dughan.

Sa niaging adlaw, nag-post si Xyriel sa  iyang mga hulagway  kun diin maklaro ang iyang dughan ug ang pamorma sa iyang  boobs.

Dunay  nikomento nga basher ug nisugyot nga kinahanglan nga kuhaan  ang kadako sa iyang dughan.

"Di ba pwedeng bawasan, parang ang bigat dalhin,” matud pa sa basher sa aktres.

Naimbyerna si Xyriel sa maong mensahe  ug gihulagway niya kini nga stupid.

"Di ba pwedeng manahimik, parang ang stupid magcomment e,” ni Xyriel pa.

Therapist ni Carlos  gikuha nga fitness trainer ni Willie

Gipaneguro sa TV host nga  si  Willie Revillame  nga kondisyon ang iyang lawas ilabi na nga ma-busy na siya gumikan sa iyang pagdagan pagka-senador.

Sa niaging adlaw,  kauban ni Willie ang  sports occupational therapist nga si Hazel Calawod sa pagpili og mga  gym equipment. Gikuha ni Willie  si  Hazel isip  iyang fitness trainer .

Si Hazel ang sports occupational therapist sa  two-time gold medalist  sa Paris Olympics nga si Carlos Yulo.

“Umpisa na para ma-kundisyon ang health ng mind and body ko for a commitment.With Coach Hazel Calawod the personal trainer of Olympic Gold Medalist Carlos Yulo,” social media post sa TV host.

Ang training sessions ni  Hazel alang kang  Willie  kay ipahigayon sa Wil Tower nga gipanag-iya sa TV host. 

Nataypan sa viewers

Todo pasalamat si Sanya Lopez  sa tanang nahimout sa iyang  performance sa Kapuso series  nga  “Pulang Araw.”   Kahinumdoman   nga nag-trending ang hinilakay  nga eksena sa niaging gabii.  Nabatyagan sa viewers  ang lapad  nga emosyon nga gipakita ni Sanya inubanan sa gitawag og  “mata-mata” acting skills.

Next project

Nakauyon si Marian Rivera sa abilidad  sa co-stars niya sa pelikulang  “Balota,” nga sila si  Sassa Gurl ug  Esnyr.   Gitingoha sa aktres nga makauban og  balik sa lain napud nga  proyekto ang nahisgotan nga mga personalidad.

Barbie bida sa “P77”

Malipayong gipahibalo ni Barbie Forteza nga duna siya’y umaabot nga pelikula  nga nag-ulohan og “P77”  kun diin ang bout pasabot niini kay Penthouse 77.Sa iyang Instagram account, gipaambit sa aktres ang behind-the-scenes  photos sa  maong pelikula.   Kauban niya sa maong pelikula ang "Firefly" child star  nga si Euwenn Mikaell  ug ang beteranang aktres nga si   Gina Pareño. 

The Corrs mobalik sa Pilipinas

Mobalik sa Pilipinas  ang  Irish band   nga  The Corrs alang sa duha ka gabii nga konsyerto.

Base sa Facebook post sa maong grupo,  mahitabo ang ilang konsyerto sa  Araneta Coliseum karong  Pebrero  15 ug  16, 2025.

"Manila! We're coming back! ,” matud pa  sa The Corrs.

Gilangkoban  ang The Corrs nila ni Andrea, Sharon, Caroline ug Jim. Sila usab ang nagpasikat sa mga awit nga  "Breathless," "Runaway," ug uban pa.

 Kahinumdoman nga nagmalampuson ang ilang konsyerto dinhi sa Pilipinas sa niaging tuig.