CEBU, Philippines — Todo pasalamat ang Filipino-American singer nga si Olivia Rodrigo ngadto sa iyang fans gumikan sa nagmalampuson niya nga konsyerto dinhi sa Pilipinas sa niaging gabii. Nasayran nga niabot og kapin sa 55,000 ka mga tawo ang nisaksi sa maong konsyerto nga gihulagway niya nga "dream come true". "Thank you to everyone Manila for welcoming me so generously and making me feel so loved and thank you to @americanexpress for making this show happen," social media post sa singer.
Nakahilak si KC
Emosyonal ang aktres nga si KC Concepcion human nahibalik ang maayong tinagdan sa usa'g-usa sa ginikanan niya nga sila si Gabby Concepcion ug Sharon Cuneta. Nahitabo kini human sa nagmalampuson nga laing hugna sa “Dear Heart” concert. Gikalipay niya og maayo nga nagkatrabaho og balik ang iyang ginikanan.
Sakto ra
Gawas sa iyang career, gitutokan pud ni Marian Rivera ang pag-atiman sa anak nila ni Dingdong Dantes nga sila si Zia ug Sixto. Mao kini ang usa sa mga rason nga wala pa'y plano ang magtiayon nga dugangan ang ilang anak.
Mister Friendship International Philippines 2024 Jansen mikulit sa titulo
Naangkon sa taga Misamis Occidental nga si Jansen Kenley See ang titulo nga Mister Friendship International Philippines 2024. Ang maong indigay kay gipahigayon sa WaterWorld Cebu niadtong Dominggo sa gabii.
Siya ang mahimong representante sa Pilipinas alang sa international level sa maong indigay didto sa Taiwan karong Disyembre.
Si Wilson Gloria Jr. sa Cebu City mao usab ang nakaangkon sa titulo nga Mister Friendship International Philippines Ambassador.
Ang titulo nga Mister Friendship Tourism kay nalangkat sa taga Baguio City nga si Kyle Brent Kimayong , ug ang ubang mga mananaog mao sila si Gabrielle Nicholas De Paz sa Tacloban (2nd runner-up) ug Josh Harold De Leon sa Batangas (3rd runner-up).
“Lavender Fields” nagkakusog
Nasulod gihapon isip usa sa Top 10 TV Shows sa Netflix PH ang Kapamllya series nga “Lavender Fields”, ug nag-una usab kini sa mga programa nga gipakita sa iWantTFC...
Sa niaging gabii , nakalangkat pud ang maong serye og 755,332 peak concurrent viewers sa Kapamilya Online Live .
Makita ang “Lavender Fields” sa Kapamilya Channel, A2Z, TV5, TFC, Kapamilya Online Live , Netflix ug iWantTFC.
Jennie misuporta sa 2NE1
Ang miyembro sa Blackpink nga si Jennie kay usa sa mga nitan-aw sa “Welcome Back” concert sa 2NE1 didto sa Seoul bag-ohay lang.
Nalingaw sa concert ang maong K-pop idol nga gipahigayon sa Olympic Park, Olympic Hall.
Nakadawat gyud og mainitong suporta gikan sa ubang celebrities ang comeback concert sa 2NE1 ug gawas kang Jennie ,nilugwa pud ang BIGBANG, Winner, iKON , BabyMonster ug uban pa. Ahtisa mihangyo sa iyang fans
Mihangyo ang beauty queen nga si Ahtisa Manalo ngadto sa iyang fans nga magpabiling positibo ug likayan ang pagsabwag og negatibong komento kalabot sa resulta sa Miss Cosmo International 2024 .
Kahinumdoman nga kutob ra sa Top 10 ang nahimong kapalaran ni Ahtisa sa maong indigay .
“Hi loves! Let’s remember that everything won’t always go our way.But what defines us is how we react and act. Let’s focus on the positive things!.Spread love only,”mensahe pa niya ngadto sa iyang fans.
Kinahanglan matud pa nga duyogan ang pambato sa Indonesia nga si Ketut Permata Juliastrid sa kadaogan niini sa nahisgotang indigay.
"Let's keep the spirit of women empowerment and celebrate Tata for her win! ," dugang pa ni Ahstsia.