CEBU, Philippines — Nakatungtong sa Top 10 sa Miss Cosmo International 2024 ang pambato sa Pilipinas nga si Ahtisa Manalo ug nakaangkon usab kini og duha ka special awards, ang People's Choice ug Culture Ambassador. Ang representante sa Indonesia nga si Ketut Permata "Tata" Juliastrid maoy nakaangkon sa titulo sa labing una nga Miss Cosmo International 2024. Napili pud nga first runner-up ang taga Thailand nga si Karnruethai Tassabut.
Gipahigayon ang maong indigay didto sa Saigon Riverside Park sa Ho Chi Minh City, Vietnam niadtong Sabado sa gabii.