Magtigi sa Star Awards

CEBU, Philippines — Nominado ang  SB19 (Gento), BINI (Pantropiko) ug Lola Amour (Raining in Manila), ingon man usab sila si Juan Karlos (Ere), Zack Tabudlo (Gusto), Moira Dela Torre (Ikaw at Sila), ug Maki (Saan), alang sa kategoriya nga   Song of the Year sa  16th Star Awards for Music. Gipaabot usab ang pagdawat ni  Gary Valenciano og  Pilita Corrales Lifetime Achievement Award.

Nagsugod sa Kapuso Network

Ang kanhi Kapuso talents nga sila si  Bea Binene ug Louise delos Reyes maoy guests  sa Fast Talk With Boy Abunda niadtong Martes . Mapasalamaton ang duha sa GMA-7 gumikan kay mao kini ang nahimong instrumento nga nailhan sila sa kadaghanan.

Nakadaog sa France

Nakaangkon og Silver Dolphin Trophy sa bag-ohay lang nga  Cannes Corporate Media and TV Awards didto sa France ang Kapuso documentary program nga The Atom Araullo Specials . Partikular nga gipasidunggan ang episode  sa maong programa nga nag-ulohan og Hingang Malalim”.  Kahinumdoman nga nakadaog pud ang maong susama nga documentary sa 2024 New York Festivals kun diin nakaangkon kini og Silver Medal  alang sa  Documentary: Human Concerns category. 

Vilma -Luis tandem sa Batangas

Magpapili pagka-gorbenadora  sa Lalawigan sa Batangas ang kasamtangang  6th District representative  sa maong lugar nga si  Vilma Santos-Recto,  samtang ang iyang anak nga si Luis Manzano kay iyang ka-tandem pagka-bise gobernador sa maong lugar .

Ang laing anak ni Ate V nga si Christian kay magpapili usab pagka-kongresista isip hulip iyang inahan.

Niduso na kagahapon sa ilang mga certificate of candidacy ang nahisgotan nga mga personalidad .

Nasayran nga gawas nila ni Luis ug Vilma , ubay-ubay pa ka mga artista ang niduso sa  ilang mga COC ug kini  sama sa kanhi Viva Hot Babe nga si Jaycee Parker (konsehal sa  Angeles City, Alfred Vargas (konsehal sa 5th district sa Quezon City), Marco Gumabao (kongresista sa 4th District sa Camarines Sur),Arjo Atayde (kongresista sa  1st District sa Quezon City), Ion Perez (konsehal sa Concepcion, Tarlac) ug uban pa. 

Jackie Chan nakuyapan sa shooting

Gisumsoman karon  sa social media ang video  sa behind-the-scenes sa upcoming film ni Jackie Chan nga “Panda Plan.”

Nabalaka ang fans sa aktor human nila nakita nga nakuyapan kini samtang gihimo ang fight scene sa maong pelikula.

Nasayran nga dili kaayo ganahan si Jackie nga duna siya'y ka-double sa iyang  mga eksena.

Isyu sa batasan  gitubag  ni Carmina

Gitubag na ni Carmina Villaroel ang taod-taod na nga chismis nga matud pa ngil-ad siya og batasan.

"It's just so sad na people... parang may misconception lang.Kasi katulad nga nung sinabi ko, antagal ko na sa industriya, yung mga nakasabayan kong artista, or press, or yung mga fans ko ever since, you guys would know," matud pa niya.

Matud pa niya nga dili gyud siya matapobre nga pagkatawo.

"I'm not saying I'm perfect. Nobody's perfect.

Pero wala kang maririnig sa akin na diva ako, na matapobre ako" dugang pa niya. 

Katapusang album sa Coldplay

Gibutyag sa Coldplay singer  nga si Chris Martin nga  ang ilang 12th album maoy katapusan na nila nga pag-record.

"We are only going to do 12 proper albums and that’s real. Less is more," matud pa sa singer sa  interview  niini ni  Zane Lowe alang sa  Apple Music. Gihuna-huna lang sa maong grupo ang pag-kontrol o makadalit og lig-ong mga awit.

 "It's really important that we have that limit. First of all, there are only 12, well, there are only eight Harry Potters or seven Harry Potters. There are only 12 and a half Beatles albums. There’s about the same Bob Marley, so all of our heroes.

And also having that limit means that the quality control is so high right now, and for a song to make it, it's almost impossible, which is great," niya pa.