Pagsagobang ni Seth sa gugma

Gilusad sa Kapamilya actor ug singer nga si Seth Fedelin ang iyang debut extended play (EP) nga "Caution" diin iyang gipaambit ang iyang gibati kon gugma na ang hisgutan.

Ang maong  mini album kay dunay kaugalingong komposisyon ni Seth nga "Mamahalin Kita" ug "Iba Ka." Pipila sa mga sulod niini nga kanta mao ang "Di Ka Nag Behave," "Akin Ka," ug "Night Calls."

Sa key track nga "Night Calls," gihatagan ni Seth og bag-ong kolor ang kanta ni Bryant nga nagtuyok sa tinguha nga makig-istorya ug makauban ang tawo nga gihigugma niini  tibuok gabii.

Gi-produce  ang “Caution” EP ni StarPop label head Roque “Rox” Santos.

Nagsugod ang karera ni Seth sa dihang nahimo kini  nga housemate sa "Pinoy Big Brother" Otso" niadtong 2018. Misulod siya sa kalibutan sa pag-arte ug nahimong bida  sa nagkadaiyang serye nga sama sa  "Huwag Kang Mangamba," "Kadenang Ginto," "Dirty Linen," ug “ Fractured .” Makauban usab si Seth sa umaabot nga pelikulang "My Future You" kauban ang onscreen partner niini nga si Francine Diaz.