Human sa taod-taod nga pagpakahilom mitingog na ang Japanese sexy actress nga si Maria Ozawa sa rason sa breakup nila kaniadto sa Filipino chef nga si Jose Sarasola. Giklaro sa aktres nga walay third party sa ilang panagbuwag.
"Actually it wasn't anything bad at all because I went back to Japan because of the pandemic. And when I went back that time I didn't know when I could come back to the Philippines and there's no way any foreigners would be able to come to Japan. So it was just like a mutual decision and we talked about it and we decided to break up 'cause we didn't see any future, I mean like we didn't know what to do about it," saysay pa ni Maria sa interview niini sa "Fast Talk With Boy Abunda."
Daniel balik-teleserye
Molugwa na og balik sa usa ka teleserye ang aktor nga si Daniel Padilla ug pormal na nga gi-release ang teaser sa upcoming series niini nga Incognito.
Kahinumdoman nga duha ka tuig nga nakapahuway og teleserye si Daniel.
Ang action-drama series nga "Incognito" kay pagadumalaon sa Star Creatives nga i-ere sa Kapamilya Channel, TV5, ug A2Z.
Mao usab kini ang unang higayon nga dili niya makauban sa teleserye ang kanhi niya uyab nga si Kathryn Bernardo.
Ang katapusan niya nga proyekto mao ang " 2 Good 2 Be True " niadtong 2022.
Kauban ni Daniel sa Incognito mao sila si Richard Gutierrez, Ian Veneracion, Baron Geisler, ug Kaila Estrada.
Duna pu'y partisipasyon niini ang magka- loveteam nga sila si Maris Racal ug Anthony Jennings.
SB19 ug BINI pasidunggan sa Billboard K POWER 100
Gikatakdang makadawat og pasidungog ang SB19 ug BINI sa Billboard Korea pinaagi sa Billboard K POWER 100 didto sa Seoul karong Agosto 27.
Ang maong mga grupo kay makadawat og Voices Of Asia Award gumikan sa dako nila nga kontribusyon sa Filipino music.
Gikatakda usab sila nga mo-perform sa maong kalihokan.
Idalit sa SB19 ang hit song nila nga "Gento", samtang ang BINI kay mo-perform sa bag-ong nila nga awit nga "Cherry On Top."
Elevator nag-una sa Netflix
Kasamtangang nag-una sa Top 10 Movies sa Netflix Philippines ang pelikulang Elevator nga gibidahan nila ni Paulo Avelino ug Kylie Verzosa.Naapsan sa Elevator ang action-comedy film nga The Union nga pipila ka adlaw nga nahimutang sa top spot.Pasok gihapon sa Top 10 ang pelikulang Lolo and the Kid nila ni Joel Torre ug Euwenn Mikaell, ingon man usab ang Isang Gabi nila ni Diego Loyzaga ug Coleen Garcia.
Nataypan ang Pulang Araw
Nakadawat og "plaque of appreciation" gikan sa Movie and Television Review and Classification Board (MTRCB) ang Kapuso series nga “Pulang Araw.”Mismong si MTRCB chairperson Lala Sotto kay nakadayeg gyud sa maong teleserye. Nasayran nga tigtan-aw si Sotto sa Pulang Araw. "I really, really enjoying this series now. I find it so rich in culture, in history. And the actors are doing so well, all of them,” saysay pa ni Sotto ngadto sa GMA News.