CEBU, Philippines — Gi-release na sa Asia’s Songbird Regine Velasquez-Alcasid ang version niya sa OPM song nga "Di Sinasadya" nga tinagik sa singer-songwriter nga si Ferdinand Aragon. Madungog na kini sa nagkadaiyang digital streaming platforms, samtang ang lyrics video niini kay naka-upload sa official YouTube page sa Star Music. Ang maong awit kay kabahin sa upcoming album sa singer nga "Reginified" ..
Kumbati sa kama
Dunay love scenes sila si Piolo Pascual ug Jasmine –Curtis- Smith sa pelikulang Real Life Fiction. Si Paul Soriano ang direktor ug writer sa maong pelikula. Mapahiyomong gibutyag sa duha nga nag-enjoy sila sa dihang gibuhat ang maong eksena.
SB19 nakadaog
Nagamadaugon napud ang Pinoy pop group nga SB19 sa Billboard Fan Army Face-Off 2024. Human sa lima ka rounds , nakadaog ang A’TIN sa SB19 batok sa Navy ni Rihanna. Kahinumdoman nga ang SB19 pud ang nakaangkon sa maong titulo sa niaging tuig.
Trash” sa BGYO gilusad na!
Gilusad na sa Filipino male group nga BGYO ang ilang latest single nga “Trash” nga madungog sa nagkalain-laing music streaming platforms worldwide ug ang ang music video niini kay makita sa BGYO Official YouTube channel.
Nagsagol sa nahisgotang awit ang pop, neo soul, disco ug uban pa . Gi-produce kini mismo sa Grammy Award winner nga si Lostboy ug Grammy Award nominee nga si Tele.
Sila si Greg Shilling, Elle Campbell, Peter Rycroft (aka Lostboy), ug Steven Chueng (aka Tele) ang nagtagik sa "Trash" nga naghisgot alang sa pag-andam sa kaugalingon nga ilabay ang tanan alang sa gugma ug haom usab kini sa baruganan sa mga miyembro sa BGYO.
Dili pa lang dugay, nitambong ang grupo sa Philippines Food and Music Festival sa Toronto, Canada ug sa TFC Hour event sa Pistahan Parade and Festival didto sa San Francisco, California.