Mi-duty sa Unang Hirit

CEBU, Philippines — Kagahapon ang graduation   sa aktres nga si Shaira Diaz apan  nahimout ang iyang fans gumikan kay sa wala pa siya nipaso sa seremonya ,  ni-duty pa kini  sa morning show nga “Unang Hirit” .

Nahuman sa aktres ang kursong marketing and management sa University of Perpetual Help sa  Las Piñas City.

“It’s D-DAY! Duty muna bago magmarcha!” Instagram post ni Shaira.

“Maybe This Time”  ni Sarah G nag-trending

Nag-trending og balik ang awit ni Sarah Geronimo nga “Maybe This Time”  ug gihimoan kini og dance figure sa pipila TikTok users.

Kahinumdoman nga sikat kaayo ang maong awit niadtong 2014  apan niining higayona, gisayaw na kini .

Ang viral part sa maong awit kay ang  linya  nga , "She's smilin' like she used to smile way back then, She's feelin' like she used to feel way back when, They tried, but somethin' kept them, Waiting for this magic moment."

Pipila ka   celebrities ang nisabay sa maong trend ug kini sama nila ni Andrea Brillantes, Stell Ajero sa SB19, Cong TV ug Viy Cortez sa  Team Payaman, Sheena Catacutan sa  BINI, ug uban pa.

Tungod sa kasikat niini,  kasamtangan kini nga nahimutang sa No. 41  sa Billboard Philippines Hot 100 chart.

Carla na-admit sa  hospital

Nalandig sa tambalanan ang Kapuso actress nga si  Carla Abellana ug nagpatabang siya og ampo sa  iyang supporters alang sa hingpit niya nga kaayohan. Sa Instagram, nag-post ang  aktres kun diin  gipakita niya ang hulagway  sa  IV drip ug thermometer nga  dunay  39.6 C  nga temperature.

"Lord, please, heal me. I've been in so much pain and discomfort," caption ni  Carla sa maong hulagway. Wala gidetalye ni Carla  ang mahitungod sa iyang sakit.

Kever sa kompetisyon

Gitataw  ni Piolo Pascual nga walay  "ratings rivalry" tali kaniya ug sa iyang higala nga  Kapuso actress nga si Bea Alonzo.   Nasayran nga magkaatbang ang   timeslot  sa  ilang mga teleserye nga  "Pamilya Sagrado" ug  "Widows' War" . “There is no rivalry whatsoever. At the end of the day we ate friends,” suma pa ni Piolo.

Docu-series

Idalit sa ABS-CBN News and Current Affairs ug  iWantTFC  ang docu-series nga "BINI Chapter 1: Born to Win" , Makita kini karong  September 26 .  Hisgotan sa  maong docu-series ang mga kaagi sa BINI hangtod nga nagmalampuson kini sa pagsulod sa music scene.

World Premiere  sa “Sunshine”

Makabaton og world premiere ang pelikula ni Maris Racal nga “Sunshine”.  Gikatahong ipasalida kini sa Toronto sunod adlaw.   Ang “Sunshine| kay ubos sa direksyon  ni  Antoinette Jadaone ug gi -produce kini nila ni  Dan Villegas, Geo Lomuntad, ug  Bianca Balbuena . Co-production usab kini sa  Anima Studios, Happy Infinite Productions, ug Cloudy Duck Pictures. Kauban ni Maris sa maong pelikula sila si  Annika Co, Jennica Garcia, Elijah Canlas, Meryll Soriano, ug Xyriel Manabat.

Maki dunay bag-ong awit

Malipayong gipahibalo  sa   OPM singer nga si  Maki nga  karong Agosto 30  i-release ang bag-o niya nga awit  nga nag-ulohan og  “Namumula”. Suma pa sa singer  nga angayan kini atngan ilabi na kadtong  nakamugna og sayop nga binuhatan.

Si Maki maoy nag-awit sa hit song nga  nga “Dilaw” nga nagkalangkat na og  100 million  streams sa  online streaming platform nga  Spotify.

"From the renowned pioneers of OPM and to all new Filipino musicians who are thriving, blooming, at nagtutulungan paangat. Thank you. I’m glad that we get to help each other thru music and for music," matud pa ni Maki.

2024 Awit Awards: SB19 ug BINI nanghakot og mga nominasyon

Nakalangkat og daghang nominasyon ang SB19  ug BINI  sa 2024 Awit Awards.

Suma pa nga 12 ka  nominasyon ang naangkon sa SB19, samtang  7 usab sa Nation’s girl group  nga BINI .

Ang latest EP sa SB19 nga  “Pagtatag!” kay nominado alang sa award nga  Album of the Year, samtang ang ilang  hit single  nga "GENTO" kay  nominado alang sa pasidungog nga  Record of the Year, Song of the Year, ug Best Performance by a Group.  Nominado pud ang maong all-male-group alang sa  Best Dance/Electronic Recording, Best Ballad Recording, Best Pop Recording, Best Music Video, ug Best Engineered Recording,

Wala usab nagpaulahi ang BINI human nikulit kini og nominasyon sa pasidungog nga  Record of the Year alang sa  "Pantropiko" ug  Song of the Year. Nominado usab kini sa Best Performance by a Group, Best Inspirational Recording, Best Pop Recording, Best Music Video, ug  Best Engineered Recording.

Mr. and  Ms. High School Minglanilla 2024

Todo abiba    ang mga tawo nga nisaksi sa Mr. and  Ms. High School Minglanilla 2024 nga gipahigayon sa Minglanilla Sports Complex sa niaging gabii.

Usa sa mga  hugyaw nga presentasyon mao ang production  number sa mga kandidata.

Aduna pu’y special numbers   ang  Kapamilya star nga si KD Estrada ug ang Cebuana  Kapuso singer  nga si  Jessica Villarubin.

Mga mananaog

• Mr. High School 2024 — Ram Jedidiah Bayon sa Minglanilla Science High School

• Ms. High School 2024 — Julia Jamaica Offergeld sa Immaculate Heart of Mary Academy

• Mr. High School 1st Runner-up — King Gebriel Gabuya sa  Immaculate

Heart of Mary Academy

• Ms. High School 1st Runner-up  — Maeasha Niea Alarice Cruse sa

Campbell Academy Foundation Inc.

• Mr. High School 2nd Runner-up —

Kizsrah Abordo Lucero sa Campbell Academy Foundation Inc.

• Ms. High School 2nd Runner-up —

Michelle Cabagnot sa St. Cecilia's College

• Mr. High School 3rd Runner-up —

Javan Patos sa Montessori Academy Foundation Inc.

• Ms. High School 3rd Runner-up —

Janine Alcordo sa  Tungkop National High School

• Mr. High School 4th Runner-up —Vincent Nathaniel Paquera sa  St. Cecilia's College

• Ms. High School 4th Runner-up —Kayleigh Walmsley sa Montessori Academy of Southern Cebu Inc.

Pagpangandam sa  magpasikat 2024 sa “It’s Showtime” gisugdan na!

Isip kabahin sa selebrasyon sa  15th anniversary sa "It’s Showtime", gianunsyo na sa maong noontime show  ang mga grupo sa hosts nga magtigi  sa  Magpasikat 2024 nga ipakita karong  Oktubre 21 hangtod sa 25.

Pagasugdan  nila ni  Vice Ganda, Karylle, ug  Ryan Bang alang sa adlaw nga Lunes ang weeklong Magpasikat performances. Magsunod kanila sila si  Ogie Alcasid, Kim Chiu, MC ug  Lassy nga mo-perform sa adlaw nga  Martes. Sa Miyerkules kay sila si Vhong Navarro, Amy Perez, Darren Espanto ug Ion Perez. Samtang sa  Huwebes kay sila si  Anne Curtis, Jugs Jugueta ug  Teddy Corpuz. Ang katapusan  nga mo-perform partikular na sa   Biyernes mao sila si  Jhong Hilario, Jackie Gonzaga ug  Cianne Dominguez.

“First time in 15 years na Lunes ako mage-perform. I will make sure that the bar that we will set gives you anxiety. Tataasan natin ‘yang bar na ‘yan,” saysay pa ni  Vice sa interview niini sa  TV Patrol.

Samang si  Kim Chiu sa iyang bahin,   nipadayag kini kini nga bongga ang ilang  performances gumikan kay duha ka buwan nila kini nga gipangandaman.

Gipaambit usab  ni  Darren Espanto ang iyang gibati sa pagsalmot  sa  Magpasikat sa labing  unang higayon.

“I never would’ve imagined na magiging parte ako ng Magpasikat teams. Dati nag-guest lang ako, then naging hurado. It’s something na I'm looking forward to. Kinakabahan but at the same time very excited,” saysay pa ni  Darren.

Sa laing bahin, gisaulog sa  "Showtime Online U" ang ilang 8th anniversary.

“Kasi hindi lang naman tayo umeere sa telebisyon. Malaking bagay na merong nanonood sa atin sa digital. You keep them entertained, you keep them cool. Kaya maraming maraming salamat,” ni  Vice pa.

Ang "Showtime Online U" kay gilangkoban nila ni  Wize Estabillo, AC Soriano, Nicki Morena, Lorraine Galvez, JM Dela Cerna, Marielle Montellano, Anthony Castillo, Anne Tenorio, Jannah Alanise, Mackie Empuerto, Sheena Belarmino, ug  Eris Aragoza.

“Thank you so much po sa mga nagtiwala sa amin. Alam namin ‘yung mga tiwalang binigay niyo sa amin kaya papangatawanan namin ‘yan every single day na bibigyan kami ng schedule dito. Lahat ng mga kwentuhan dito sobrang special ‘yun for me,” saysay pa ni  AC. Gilusad sa  "Showtime Online U" ang bag-ong segment nga "MagpaCHIKA," kun diin  ipabuhagay ang mga update kalabot sa preparasyon sa  Magpasikat 2024.

Inahan ni Angelica mipanaw

Mipanaw ang inahan ni  Angelica Panganiban nga si Annabelle Panganiban niadtong Martes Agosto ,  20, 2024.

Gipaambit ni Angelica ang maong masulub-ong balita pinaagi sa iyang Instagram post sa niaging gabii.

Wala na gidetalye sa aktres ang rason sa kamatayon sa 61 anyos niya nga inahan.

Nagbaha ang mga pahasubo nga  mensahe nga nadawat  ni Angelica gikan sa iyang fans, ug sa mga higala niya sa showbiz nga sama nila ni  John Arcilla, Carla Abellana, Angeline Quinto, Neri Miranda, Dominic Roque,  Carol Banawa, Miles Ocampo, Coney Reyes, Rocco Nacino, Candy Pangilinan, Jolina Magdangal, Jugs Jugueta, Regine Angeles, DJ Chacha,  Enchong Dee ug uban pa.