Song Joong-ki ug  Chun Woo-hee mag-uban sa romantic series

CEBU, Philippines — Mag-uban  ang  K-drama stars nga sila si Song Joong-ki ug  Chun Woo-hee sa usa ka romantic series nga dunay working title nga "My Youth".

Modala si   Joong-ki isip kanhi  child actor nga  nahimong  novelist ug florist, samtang  si  Woo-hee kay modala sa karakter nga  team leader sa usa ka  entertainment company.

Si  Lee Sang-yeop  ang direktor sa maong proyekto , samtang ang writer niini kay si Park Si-hyun.

Barbie pasok sa “Batang Quiapo" 

Nisulod na  sa episode  sa "FPJ's Batang Quiapo"  niadtong Martes sa gabii  ang karakter ni Barbie Imperial. Sa maong eksena, siya ang nakatigi ni Coco Martin sa casino.   Nitumaw ang pagduda sa viewers nga posibleng si Barbie nasad ang love interest ni Coco sa maong teleserye.

Dili moatras

Gibutyag  ni Mon Confiado nga dili gyud niya i-withdraw ang  cyber libel complaint nga gipasaka niya batok   sa content creator nga si  Jeff Jacinto o nailhan isip "Ileiad" .  Suma pa sa aktor nga nidoul kaniya si Jeff ug nangayo og pasaylo  apan final na ang iyang hukom nga patagmon ang maong tawo nga nag-imbento og mga istorya batok kaniya. “Tuloy. Hindi ko alam saan pupunta kaso, it does not matter. Ang importante maging aware tayo lahat na hindi pwede gagawa basta ng kwento. Ganon lang ba yun? Di lahat tayo nagsiraan. Sabihin joke lang! Kailangan natin itama. Dapat siguro masimulan. Ito na yun,” saysay pa niya ngadto sa ABS-CBN News.

Mipasilong sa Viva

Nipirma og kontrata sa niaging adlaw sila si Cassey Mae Real ug Sandex Gain sa Viva Artist Agency.  Naghinam-hinam na ang duha  sa umaabot nila nga mga proyekto sa nahisgotang talent agency. Nailhan og maayo si Cassey gumikan sa iyang pagka-commercial model.

Gireklamo og pangmolestiya Program manager sa TV5 gitaktak

Gitangtang na sa  TV5 ang  News and Public Affairs program manager nga si Cliff Gingco kinsa gireklamo og sexual harassment  sa usa ka male news researcher.

Si Senador Raffy Tulfo maoy nipagawas sa maong taho. Nasayran nga siya maoy gisumbongan sa biktima  pinaagi sa programang Wanted Sa Radyo .

Giingong nahitabo ang insidente sulod sa usa ka  hotel  sa Pasig City niadtong  Hulyo 23, 2024.

Gikatahong nakahatag og grabeng trauma sa biktima ang maong hitabo.

Sa statement ni Senador Tulfo, mismong si TV5 Chairman Manny V. Pangilinan maoy nihimo og koordinasyon ngadto sa senador aron ipahibalo  nga nahuman na ang gibuhat nga  imbestigasyon sa TV5 ug nahukman ang pagtangtang kang Gingco.

Isang-at  pud ang  kasong kriminal batok kang  Gingco sa piskalya.

Mohatag usab ang TV5 sa tibouk nga  suporta sa biktima, partikular na ang medical assistance ,sama sa   therapy ug uban pa nga gikinahanglan niini.

"Sa kabilang banda, pinasalamatan ni Sen. Tulfo si Chairman MVP dahil naging mabilis ang paggulong ng imbestigasyon at nakamit ng biktima ang nararapat na hustisya.Dagdag pa rito, kasong kriminal ang kinahaharap din ngayon ni Gingco sa piskalya, kung saan tumutulong at nakatutok ang RTIA para masiguro na maayos ang pag-usad ng kaso,” statement sa kampo ni Tulfo. 

Jennifer mi-file og divorce alang kang Ben

Human sa duha ka tuig nila nga kaminyoon, gusto na nga buwagan  ni Jennifer Lopez ang bana niya nga si Ben Affleck.

Niduso og  divorce si J.Lo. sa Los Angeles County Superior Court niadtong Martes.

Sa taho sa TMZ, gibutang ni Lopez  ang Abril; 26, 2024 isip petsa sa ilang separasyon. Wala pa  hinoun mahisgoti sa singer  ang rason sa  pag-file niya og  divorce . Kahinumdoman   nga gikasal sila si  J.Lo. ug Ben sa  Las Vegas niadtong Hulyo  2022.

Rochelle , Sparkle star na!

Pormal na nga nipirma og kontrata sa    Sparkle GMA Artist Center  si Rochelle Pangilinan sa  niaging adlaw  ug nisaksi niini sila si GMA Network Inc. Senior Vice President Atty. Annette Gozon-Valdes ug Sparkle GMA Artist Center First Vice President Joy Marcelo.

Nitambong pud ang manager ni Rochelle nga si  Perry Lansigan. .

“Natutuwa ako kasi lumaki ‘yung pamilya na ginagalawan ko. At sa tagal-tagal ko po sa GMA, talagang ang sarap mag-alaga talaga ng GMA. Excited po ako sa bagong chapter ng buhay ko,” matud pa ni Rochelle.

Usa si  Rochelle sa mga miyembro kaniadto  sa all-female dance group  nga The Sexbomb Girls sa Eat Bulaga. Nahimo usab siya nga kabahin kaniadto saafternoon drama series  nga "Daisy Siete."