Gireklamo nga independent contractors sa GMA, wala mopatim-aw sa NBI

Wala nitambong ang duha ka independent contractors sa GMA-7 nga sila si Richard Cruz ug Jojo Nones sa pagpatawag kanila sa National Bureau of Investigation (NBI)  sa  niaging adlaw nga dunay kalabotan sa  reklamo nga  ilang nadawat gikan sa aktor nga si Sandro Mulach.

Nipatim-aw hinoun ang abogado sa duha nga si  Atty. Maggie Abraham-Garduque kinsa  nitataw nga walay kamatouran ang r eklamong sexual harassment nga gipasaka batok ngadto sa iyang mga kliyente.

“At the onset naman sinabi namin na there is an absolute denial of the allegations being accused of our clients. So may denial talaga,” ni Garduque pa .

Niduso kini og  Joint Counter Affidavit nga nisalikway sa nadawat niini nga asuksasyon. Kasamtangang karon nga gi-proseso ang ebidensya. Matud pa niya nga apektado ang  mental health sa iyang mga kliyente.

“Kung kilala niyo naman itong dalawa mga clients namin, they’ve been in the television industry for more than 30 years. Naging malinis po ang reputasyon. So this is very destroying to their reputation, sobrang nakakaapekto sa mental health nila ngayon,” dugang pa ni Garduque.

Samtang ang amahan ni Sandro nga si Niño Mulach  nagkanayon nga na-trauma sa insidente ang iyang anak, ug base kini sa psychological assessment  sa NBI Behavioral Science Division.

“Syempre affected pa rin. May depression, konting depression pati ‘yung pagkain niya naapektuhan, pagtulog. Pero hopefully in the coming days, sana mag-improve,” saysay pa ni Niño.