CEBU, Philippines — Ang bida sa FPJ’s Batang Quiapo nga si Coco Martn maoy magsilbing direktor sa pipila ka action scenes sa laing Kapamilya series nga "Pamilya Sagrado".
Nasayran nga napamatud-an na ang katakos ni Coco sa maong butang sanglit mao man usab kini ang direktor sa kasamtangan niya nga teleserye ilabi na sa action scenes.
Ang Pamilya Sagrado kay gibitoonan nila ni Piolo Pascual , Shaina Magdayao , John Arcilla ug uban pa.
“Nandito kami para sumuporta at tumulong. Isang malaking karangalan na ma-direk sina kuya PJ (Piolo)at ang lahat ng mga veteran actor,” saysay pa ni Coco sa interview niini sa “TV Patrol” .
Gangkon ni Coco nga dakong hagit gihapon alang kaniya ang maong tahas bisan paman nga nabaid na siya og maayo sa action scenes kaniadto sa “FPJ’s Ang Probinsyano” at “FPJ’s Batang Quiapo.”
“Honestly nai-stress ako ngayon pero kinakaya naman kasi na-excite kami dahil ang ganda ng i-storya. Binibigay namin ‘yung pinaka-best namin,” dugang pa ni Coco.
Matud pa sa aktor nga medyo nabag-ohan siya sa pagtabang sa Pamilya Sagrado sanglit mao kini ang unang higayon nga nagsilbi siya nga direktor sa dili niya teleserye.
“Kadalasan lahat ng show ko, dahil ako ang artista, ako rin ang nagdi-direk. Ngayon naman, ang sarap lang sa pakiramdam na naka-focus ako sa pagdi-direk,” sa aktor pa.
Kyle nagpa-cute kang BINI Jhoanna?
Niulbo karon ang hungihong nga matud pa nagpa-cute si Kyle Echarri ngadto kang BINI Jhoanna. Duna’y nakabatyag nga lahi ra gyud ang tin-awan ni Kyle ngadto kang Jhoanna atol sa ilang pagtikang sa California alang sa special edition sa ASAP . Wala pa mohatag og reaksyon si Kyle kalabot sa maong taho.
New single sa BGYO
Todo promote karong panahona ang grupong BGYO sa ilang latest single nga 'Trash' . Gi –perform usab nila kini sa 'ASAP Natin 'To California'. Ang BGYO kay gilangkoban nila ni Gelo, Akira, JL, Mikki, ug Nate.
Milutaw ang chemistry
Gikilig og maayo fans sa KPop idol ug Sparkle star nga si Nancy Mcdonie sa dihang nisulod ang aktres sa "Running Man Philippines" Season Two. Gitupo nila si Nancy ngadto kang Miguel Tanfelix. Suma pa nga pareson kaayo sa screen sila si Nancy ug Miguel.
Regine mipahinungod og awit alang kang Ogie
Gipahinungod sa Asia’s Songbird nga si Regine Velasquez-Alcasid ang version niya sa “The Only Exception” ngadto sa iyang bana nga si Ogie Alcasid.
Bag-ohay lang nga gi-release ang maong awit nga kabahin sa iyang revival album nga “Reginified” nga gi-produce sa Star Music. Ang “The Only Exception” kay orihinal nga giawit sa grupong Paramore.