Shaina pasok sa New York Asia Film  Festival jury

CEBU, Philippines — Nalakip ang  Filipina actress nga si  Shaina Magdayao  sa listahan sa mga hurado alang sa Uncaged Competition sa New York Asia Film Festival (NYAFF).

Makauban niya sila si  Tony Bui (Vietnamese-US director sa "Three Seasons"), Shao-yi Chen (Taiwan Screenworks Asia producer, Screenworks Asia), Felix Tsang (Golden Scene sales and  acquisitions manager didto sa Hongkong), Nonkul Chanon Santinatornkul (Thai star sa  "Bad Genius"), ug Aliza Ma (Head of Programming sa  Criterion Channel).

Dili basta-basta ang background ni Shaina sa pag-arte  ug nakadawat kini og mga pasidungog kaniadto sa nagkadaiyang award-giving bodies nga sama sa  FAMAS, Metro Manila Film Festival Award, Young Critics Circle, Gawad Pasado, ug nakakuha  pud siya og mga  nominasyon sa Gawad Urian.

Pipila sa iyang mga  pelikula kaniadto kay nahimong kabahin sa Cannes Film Festival, Berlinale, Locarno Film Festival, Tokyo International Film Festival ug  Busan International Film Festival.

Nakatambong pud siya sa niaging tuig  sa  Busan International Film Festival , ug nahimamat niya sila si  Song Kang-ho sa  "Parasite," Lee Byung-hun sa  "Squid Game" ug  "Mr. Sunshine," ug  Yoo Teo sa  "Past Lives."

Giaununsyo usab sa NYAFF nga si Hongkong actor, singer, songwriter , entrepreneur  nga si Nicholas Tse  maoy makadawat sa Screen International Star Asia Award karong tuiga.

Jennyln dili mobiya sa GMA-7

Dili tinoud ang nikatap  nga taho nga matud pa mobalhin sa ABS-CBN ang Kapuso actress nga si Jennylyn Mercado.

Kini maoy giklaro sa manager ni Jennylyn nga si   Becky Aguila pinaagi sa gipagawas nga statement niini kagahapon.

Kahinumdoman nga nisamot ang chika nga  mobalhin  ang aktres sa ABS-CBN human wala kini makita  sa  GMA Station ID 2024 .

Apan gitataw ni  Becky nga magpabiling loyal si  Jennylyn sa GMA-7. Wala kalugwa si Jen sa station ID sa GMA-7  gumikan kay dili bakante ang aktres atol sa taping niini.

“I just want to clarify to those who keeps on insinuating re the issue of network transfer that Jennylyn is a loyal artist of GMA and will always remain loyal for as long as her mother network wants her to stay.She was absent from the station ID simply because she was unavailable that day. Rest assured GMA extended an invitation to her, which we very much appreciate,” matud pa ni Becky.  

Luis ug Jessy mag-uban sa ABS-CBN

Nipirma og kontrata kagahapon sa ABS-CBN  ang magtiayong  Jessy Mendiola  ug  Luis Manzano nga gisaksihan sa Kapamilya executives.

Kahinumdoman nga taod-taod nga nakapahuway si Jessy sa  showbiz gumikan kay nag-focus kini  sa pag-atiman sa anak nila ni Luis. Malipayon ang magtiayon gumikan kay magka-uban gihapon sila sa ABS-CBN.

Dinky Doo Jr. mipanaw

Nipanaw na ang  komedyante aktor  nga si  Dinky Doo Jr. ug gikumpirmar kini sa iyang anak nga babaye pinaagi sa Facebook post.

Suma pa niini nga nipanaw  ang iyang amahan kagahapon sa alas 7:20 sa buntag , Hulyo 2, 2024.

Wala   hisgoti niini ang rason sa kamatayon  ni  Dinky.

"Please, all your prayers to my father and family for him to rest peacefully would be very appreciated,” suma pa sa iyang anak.

Nagsugod ang acting career ni  Dinky Doo Jr.  sa pelikulang Inday Inday Sa Balitaw niadtong  1986.

Pipila sa iyang mga pelikula kaniadto kay naglangkob sa Maria Went To Town (1987), Rock-a-Bye Baby: Tatlo Ang Daddy Ko (1988), Small and Terrible (1990), Nandito Ako (1994), Bala at Lipstik (1994), Kahit Harangin ng Bala (1995), Sa 'Yo Lamang (1995), Aringkingking: Ang Bodyguard Kong Sexy (1986), Buhay Mo'y Buhay Ko Rin (1997), Ako'y Ibigin Mo Lalaking Matapang (1999), Lalaban Ako Hanggang Sa Huling Hininga (1999), Markova: Comfort Gay (2000), Mano Mano 2: Ubusan ng Lakas (2001), I Think I'm In Love (2002), Birhen ng Manaoag (2005), Lagot Ka Sa Kuya Ko (2006), Suddenly It's Magic (2012), ug The Fighting Chefs (2013). 

SB19 mi-perform sa Japanese show

Ni-perform  ang grupong  SB19 sa sikat nga Japanese YouTube channel nga The First Take niadtong Lunes sa gabii  .  Gikanta sa maong grupo  ang Gento  atol sa paglugwa nila sa maong show . Sa pagsulat niining balitaa, naabot na og minilyon ang views sa nahisgotan nga episode.

Andam mag-Vivamax

Andam ra ang  Thai actor nga si Max Nattapol nga modawat og proyekto sa Vivamax.   Wala ra’y problema kaniya ang sexy projects.  Nitikang si Max  dinhi sa Pilipinas sa niaging adlaw gumikan kay nitambong kini sa  red-carpet premiere sa pelikulang  Kuman Thong .

Plastada nga relasyon

Naka-holding hands  sila si Xian Lim ug  Iris sa dihang naabot kini sa  red-carpet premiere sa pelikulang  Kuman Thong.  Si. Xian Lim ang direktor ug   writer , samtang si  Iris maoy  associate producer sa maong  horror movie.