Catriona ug Sam nakahukom na?

CEBU, Philippines — Human gidungog nga nagbalik , kalit napud nga niulbo ang hunghong  nga nakahukom na matud pa sila si Miss Universe 2018 Catriona Gray ug Sam Milby nga magbuwag napud.

Gipapas na ni Catriona sa iyang Instagram account  ang engagement photos nila ni Sam.

Nigawas ang mga pagduda nga posibleng dili na gyud madayon  ang plano nila nga magpakasal.

Acting performance ni Kaila giabibahan

Walay puas ang pagpasalamat sa  Kapamilya actress nga si Kaila Estrada sa nagpusot-pusot  nga mga pagdayeg nga iyang nadawat gumikan sa iyang maayo nga acting performance sa  Can't Buy Me Love.

Gisumsoman sa viewers sa maong teleserye ang  pipila ka episodes sa  nilabay nga mga   gabii kun diin gipakita gyud ni Kaila (Bettina) ang dili basta-basta niya nga pag-arte sa bug-at nga mga eksena.

Trending usab ang iyang linya nga , "I'm not strong. But I tried to be because I had to. I had no one else.”

The Rain in España i-ere sa TV5

Malipayong gipahibalo sa Viva Artist Agency nga i-ere sa TV5  matag Domingo, sugod karong Mayo 12 sa 7:15 sa gabii   ang romantic series nga The Rain in España.

Sila si Heaven Peralejo ug   Marco Gallo ang mga bida sa maong romantic series nga base sa best-selling novel ni  Gwy Saludes.

Kahinumdoman nag-ugat sa maong serye ang kusog nga tandem nila ni Heaven ug Marco.

Gipasanginlan nga nang-stalk

Hugtanong gihimakak ni  Pokwang ang akusasyon sa iyang kritiko  nga matud pa gi-stalk gihapon niya sa Instagram   ang iyang estranged partner nga si  Lee O'Brian . “ Nananahimik ako mention pa more natural sasagot ako hahhaha DEPORTED!!! Aray!! Mga iyakin!,”tubag pa ni Pokwang.

Latest single ni Iñigo

Gi-release na ang latest single ni  Iñigo Pascual nga “Kahit Hindi Mo Ako Nakikita 2.  Kabahin kini sa trilogy  nga awit ni  Iñigo. Kahinumdoman nga ang unang hugna niini kay gilusad sa niaging tuig.  Naghisgot kini  sa napakyas  nga gugma.

"GUTS" tour

Dili mabangbang ang ka-busy sa Filipino-American singer  nga si Olivia Rodrigo  gumikan kay nangandam na siya sa iyang nakalinya nga mga konsyerto  sa Asya ug Australia nga kabahin sa iyang "GUTS" tour.   Mosikad kini karong September hangtod sa October.  

Dingdong mi-renew sa GMA Network

Magpabilin nga Kapuso   ang aktor  nga si Dingdong Dantes human siya ni-renew sa iyang kontrata sa GMA Network kagahapon.

Nitambong sa contact signing sila si  GMA Network Chairman Atty. Felipe L. Gozon, GMA Network President and Chief Executive Officer Gilberto R. Duavit Jr., GMA Network Executive Vice President and Chief Financial Officer Felipe S. Yalong, GMA Senior Vice President for Entertainment Group Lilibeth Rasonable, GMA Senior Vice President for Programming, Talent Management, Worldwide, and Support Group and President and CEO of GMA Films Atty. Annette Gozon-Valdes ug GMA Network Senior Vice President and Head of GMA Integrated News, Regional TV, Synergy Oliver Victor B. Amoroso.

Naa pud ang presensya nila ni GMA Executive Vice President for GMA Pictures and First Vice President for Public Affairs Nessa Valdellon, GMA Senior Vice President for Corporate Strategic Planning and Business Development and concurrent Chief Risk Officer and Head of Program Support Regie C. Bautista, ug  Chief Marketing Officer and Head of Sales and Marketing Group Lizelle G. Maralag.

"Ako na mismo magpapasalamat na pumirma siya ulit, nirenew ang kanyang contract .Sa tingin ko, 'pag magaling ka ay lalo kang gagaling 'pag sumama ka sa GMA. Ang exhibit one ay none other than Dingdong Dantes.

Pero ito lang ang masasabi ko. Hindi pa niya nararating ang pinakatuktok ng kanyang mararating. Hindi kamukha kong matanda na na pababa na, si Dingdong pataas pa. Kaya Dingdong, maraming maraming salamat. And I hope GMA and you will go higher together ,” matud pa ni Gozon.

Mapasalamaton si Dingdong sa mga kadagkoan sa GMA07 alang padayon nga pagsalig niini ngadto kaniya.

"Sa aking mga boss, maraming maraming salamat. Thank you po for those kind words, “ ni Dingdong pa.

Iya usab nga gipasalamatan ang mga nakatrabaho niya nga sama sa production staff ug mga artista.

"Pinagpapasalamat ko 'yun sa inyo. Kung hindi dahil sa inyo, hindi ko rin ma-a-appreciate ng ganito ang biyaya at trabahong binigay sa akin ng GMA. Kaya maraming maraming salamat sa inyo,” dugang pa ni Dingdong .

Kahinumdoman nga ang  unang major project ni  Dingdong sa  GMA Network kay  ang youth-oriented show  nga “T.G.I.S.”

Jerome-Krissha tandem magpadayon sa "Sem Break"

Nagpanikad na ang fans nila ni  Krissha Viaje ug Jerome Ponce sa bag- ong Viva One Original Horror Series nga “Sem Break” .

Wala pa gyud mahupas ang tandem sa duha  sukad kini nisikat sa  romantic series nga Safe ,Skies ,Archer .

Ang direktor sa  "Sem Break" nga si  Roni S. Benaid nibutyag nga  70% niini kay  horror ,samtang ang 30 %  kay  pampakilig nga mga eksena. 

Kinitkitay sa ngabil gipistahan

Nagpakilig og taman sila si  Kim Chiu ug  Paulo Avelino human nag-trending online ang ilang first kiss sa “What’s Wrong With Secretary Kim” sa  ABS-CBN ug  Viu.

Nagkataas og samot   ang  chemistry sa KimPau ug trending  ang #WhatsWrongWithSecretaryKimPH, KIMPAU WWWSKEP26, #KimPauOnViu, ug  #KimChiu sa niaging gabii.

Hangtod karon,  giatangan sa ilang fans ang tubag sa duha kalabot sa tinud-any nila nga estado luyo sa kamera.

Pelikula ni Bong malangay

Ipaubos sa therapy sulod  sa pipila ka buwan ang tiil  ni  Senator Bong Revilla busa malangan pa ang pagtiwas  sa pelikula niya nga Birador: Alyas Pogi 4.

Nasugdan na og usa ka adlaw ang shooting niini apan naaksidente ang senador hinungdan nga gi-operahan ang usa niya ka tiil.

 Bisan sa kasamtangang niya nga sitwasyon , gipaneguro ni Bong nga makatambong  pinaagi sa online  sa mga sesyon niya sa Senado.