CEBU, Philippines — Nabaligya na ngadto kang Boss Toyo ang kuwintas nga gigamit ni Kapuso Primetime Queen Marian Rivera sa iyang role isip “Dyesebel” nga gi-ere sa GMA Network niadtong 2008.
Gikatahong gikan sa Caloocan City ang namaligya niini ug nag-ugat kini gikan sa ilang apohan nga nagtrabaho kaniadto isip staff sa maong pantaserye.
Nihimo og beribikasyon si Boss Toyo sa maong kuwintas pinaagi sa pagtawag kang Buboy Villar ug nikumpirmar kini nga kaila siya sa namaligya.
Ang unang gitanyag nga presyo niini kay P40,000 apan wala mosugot si Boss Toyo. Hangtod nahangyo kini ngadto sa P17,500.
Jason Dy dunay bag-ong single
Gikatakdang i-release karong Marso 1 ang bag-ong single sa Kapamilya singer nga si Jason Dy .
Usa kini ka dance-pop single nga nag-ulohan og "Magsabi Ka Lang" ug ubos kini sa Star Music.
Si Jason mismo ang nag-compose niini, ug gi-produce kini sa ABS-CBN Music creative director nga si Jonathan Manalo.
Produkto ang singer sa ikaduhang season sa "The Voice of the Philippines" niadtong 2015.