Nominado sa 4th Pinoy Rebyu  

CEBU, Philippines — Nakalangkat og mga nominasyon ang pelikulang  "Gitling" sa 4th Pinoy Rebyu awards sa  Society of Filipino Film Reviewers alang sa 2024. Nominado ang "Gitling" alang sa mga kategoriya nga  Best Film, Best Director, Best Screenplay, Best First Feature ug Best Lead Performance by lead actor  ug uban pa.  

Lovi pasok sa Hollywood project

Nalakip si Lovi Poe sa  Hollywood independent feature film  nga “Bad Man!”  busa nagmaya siya og maayo.

“So happy to finally announce being part of BAD MAN. Can’t wait to share more about this amazing film with an even more amazing cast!” Instagram post ni  Lovi .

Ang maong proyekto maoy rason nga nilarga siya sa  Alabama .

Ang , “Bad Man” kay usa ka  action-comedy nga base sa tinoud nga istorya.

Wala pa hinoun gidetalye ni Lovi ang iyang role.   Nalakip pud sa maong pelikula sila si   Rob Riggle  (“21 Jump Street”), Chance Perdomo (“After We Fell”),ug  Andre Hyland (“Barry”).

Jen-Derek movie nag-una sa Netflix

Kasamtangang nag- No. 1 ang pelikulang   English Only, Please sa listahan sa  ‘Top 10 Movies in the Philippines’  sa  Netflix. Ang  maong  romantic comedy film   kay kabahin  kaniadto sa Metro Manila Film Festival 2014 kun diin  ang mga bida niini nga sila si  Jennylyn Mercado ug Derek Ramsay maoy napili  nga best actor ug best actress.

Nalakip pud sa  maong listahan ang  Summer MMFF 2023 entry nga Apag .