Nakaangkon og Gold Award ang ABS-CBN, ingon man usab Most Trusted Entertainment and Variety Presenter Award si Vice Ganda sa bag-ohay lang nga Reader's Digest Trusted Brands Awards 2023.
Suma pa sa survey sa 25th Reader's Digest, ang mga nakadaog sa Gold Award kay nakaangkon og talagsaon nga mga resulta base sa mga panan-aw sa mga konsumedor bahin sa pagpaminaw sa ilang mga reklamo, empatiya sa ilang kahimtang, ug paghatag og suporta.
Samtang giisip usab si Vice nga labing sinaligan nga personalidad ug mao kini ang ikaduhang higayon nga nahimo siya nga cover sa maong magazine sukad niadtong 2010.
Gihulagway sa Reader's Digest nga usa ka 'national treasure' nga adunay kusog nga impluwensya si Vice nga midaog sa Most Trusted Entertainment ug Variety Presenter sa ikalimang tuig, hinungdan nga usa siya sa labing malampuson nga aktor sa Pilipinas. Ang research company nga Catalyst maoy nipahigayon sa Reader's Digest's Trusted Brands nga survey. Gi-survey niini ang 8,000 ka mga konsumidor sa nagkalain-laing merkado lakip ang Pilipinas, Singapore, Malaysia, Hong Kong, ug Taiwan.