Kagubot sa Eat Bulaga

Nagtinguha matud pa karon si kanhi kongresista Romy Jaloslos nga palagputon gikan sa Television and Production Exponents (TAPE), ang iyang business partner nga si Toni Tuviera ingon man ang mga host nga sila si Tito, Vic and Joey o TVJ.

Si Jaloslos, usa sa mga tag-iya sa TAPE nga producer sa Eat Bulaga. Ang tsika sa bilyonaryo.com mao nga nag-emergency meeting sila si Tuviera ug mga kaubanan niadtong Huwebes alang sa ilang sunod nga lakang kun mahitabo kini.

Ang plano mao nga magmugna sila og bag-ong noontime show diin ang mo-host mao ang JoWaPao--Jose, Wally, Paolo---kauban si Maine Mendoza. Ang maong show tawgon na og Dabarkads. Dugang tsika mao nga buot matud pa ni Jaloslos nga si Willie Revilame na ang mudumala sa Eat Bulaga.