CEBU, Philippines — Dili modayon og dagan sa London Marathon karong tuiga si 2015 Miss Universe Pia Wurtzbach. Kini kay niya pa sa iyang IG post, magpakasal siya karong tuiga. Walay gibutyag nga petsa si Pia, apan niya pa, malisud matud pa dunganon ang preparasyon sa marathon ug sa kasal.“There will be many more Marathons and getting married is something I wanna focus on first and enjoy preparing for the wedding stress-free,” niya pa. Engaged na si Pia ngadto kang Jeremy Jauncey.
Pinangga uy
Dako ang pasalamat ni Arra San Agustin sa GMA7 sa padayong pagsalig ngadto kaniya isip artista. Kini kay human sa pantaserye nga Lolong, apil sab siya sa action series nga Mga Lihim Ni Urduja. Giangkon sab niya nga adunay pressure alang nila sanglit toprating ang ilang gihulipan nga mao ang Maria Clara at Ibarra. Apan masaligon siya nga pulido ang pagkahimo sa ilang serye busa hangpon gyud kini sa publiko.
Walay batasan
Nakasugat na og attitude problem nga young star si Ina Raymundo. Tsika niya, nakauban niya ang young star sa usa ka gamay nga lawak diin mga walo sila ka buok. Ang problema kay nagsigarilyo ang young star bisan naay mga bata ug naglisud na silag ginhawa. Samotan pa nga hubakon siya. Apan wa gyud matud pay nakaakog badlong sa young star nga nagsigeg pabuhot nga daw walay nahitabo. Girl ang young star.
Kaslon sa Vegas
Magpakasal karong Hunyo didto sa Las Vegas sila si Abby Viduya ug Paranaque councilor Jomari Yllana. Kini suma pa ni Abby ngadto sa PEP. Sunod tuig, ipahigayon sab ang ilang church wedding didto sa Bicol. Suma pa niya, ganahan ra gyud unta siya og simple wedding pero gusto gyud ni Jomari nga papasuhon siya sa aisle paingon sa altar. Dako pud ang kalipay ni Abby kay gihuwat gyud ni Jomari nga mopauli dinhi sa nasud gikan sa Canada ang iyang mama, ug gipamay-an gyud siya sa aktor.
Go, Ate Vi!
Tulo ka mga pelikula ang himuon ni Star for All Seasons Vilma Santos karong tuiga. Ang una mao ang ilaha ni Christopher de Leon nga adto sa Japan himuon karong bulana. Ikaduha ang ubos sa direksyon ni Erik Matti alang sa film outfit ni Dondon Monteverde. Aprobado na ang script. Ang ikatulo, iyaha sa Star Cinema.
Salamat, Liza...
Nitingog na si Ogie Diaz, kanhi talent manager ni Liza Soberano sulod sa kapin sa dekada. Gitubag ni Ogie ang giingon ni Liza sa iyang "life update" vlog nga wala siyay control sa iyanf career kaniadto sa nataran sa ABS-CBN ubos sab sa Star Magic.
"Kung sinasabi ni Liza na parang kino-control siya ng mga taong nasa paligid niya kung ako man ‘yan at ang Star Magic, gusto kong magpasalamat kay Liza kasi sinunod niya kami kaya siguro sumikat siya." Matud ni Ogie sa iyang latest vlog, mas maayo na lang kini nga tsika, kaysa ang mogawas nga istorya mao nga napalpak sila pagdumala sa career ni Liza kaniadto.
Gipahinumduman sab ni Ogie si Liza nga gihatagan siya og higayon kaniadto nga mopalanog sab unsay iyang gusto.
"Anak, lagi kang binibigyan ng chance to say your piece, your opinion, your suggestions. Pinapakinggan ka rin naman kapag may complain ka pero 'di ba kung minsan, we had to meet halfway? Pinagbibigyan mo naman ang production kapag nilambing ka nila and I thank you for that."
Gilakbitan sab ni Ogie ang giingon sa aktres nga ultimo screen name nga "Liza" dili siya maot nipili. Matud ni Ogie, gumikan sa maong ngalan nasuportahan ni Liza ang iyang pamilya.
“'Nabigyan mo ng bahay at magandang buhay ang daddy mo. Nakakapagpadala ka rin ng tulong sa mommy mo sa States."
“Naibili mo ng bahay at lupa sa Amerika ang lolo at lola mo na kumupkop sa inyo ng kapatid mong si Justin noong nasa Amerika pa kayo. “Lahat ‘yan ay dahil sa ‘yo, sa pagiging Liza Soberano mo. Mas isyu siguro ‘yung screen name mo kung hindi tumatak o tinangkilik ng mga Pilipino."