Nakuratan si “Pambansang Ginoo”!

CEBU, Philippines — Single si David Licauco. Ug available!

Kana maoy naklaro sa interview sa Fast Talk with Boy Abunda kang David ug sa ka loveteam niya sa sikat kaayo karon nga GMA7 series Maria Clara at Ibarra nga si Barbie Forteza. Apan labihan ang pagkakugang ni David dihang nakuykoyan ni Abunda ang mga detalye sa iyang lovelife.

Giingnan siya ni Abunda nga nagbulag sila sa iyang uyab gumikan sa usa lalaki, apan nagbalik sila. Pero sa katapusan nahukman nila nga magbulag na lang gyud sa hingpit.

Ni Abunda pa: “I know you're separated. Naghiwalay kayong dalawa and then ang alam ko, there was another guy involved na kilala nating dalawa. Was that the reason, David, why you got back?”

Nakuratan si David sa gibatbat ni Abunda ug niingon, “Wait lang, first of all, bakit alam niyo yan? But, yeah, I would say that was the reason behind the breakup. I mean, among other things, ayun yung pinaka-main reason.”

Matud ni Abunda, buot na sa uyab ni David niadtong tungora nga magminyo na sila apan dili pa andam ang giila karong “Pambansang Ginoo.”

“Yeah, I’m not ready. Because go-getter kasi ako and mas gusto ko yung career muna, and siya kasi nasa stage na siya ng…"

Niining bahina sa interview, wala pa gyud nahimutang si David nganong nasayud si Abunda sa mga detalye sa mao niyang relasyon.

"Wait lang, hindi ko gets kung bakit alam! Bakit? Parang wala naman akong sinabihan.”

Dinhi gisukitsukit siya ni Abunda kun nagbalik ba gyud sila sa iyang ex-girlfriend. Tubag ni David: “Nagkabalikan kami pero nag-decide kami na maghiwalay na."

Giangkon sab niya nga nagselos siya og usa ka actor hinungdan nga dili na sila mahusay sa iyang ex-girlfriend. Kaila si Abunda sa ex-girlfriend ni David, apan wala na niya nganli sanglit naggikan sa pribado nga pamilya ang babay.

Sa maong interview, nahisgutan sab ang ex-gifriend ni David nga Kapamilya star, diin subling giangkon niini, nga gihilakan gyud niya ang maong break-up kaniadto. Nilungtad ang “secret relationship” og usa ka tuig.

“Taga-ABS siya. So, di ko siya kaya. Wala, it’s hard. May love team.” Ni David pa. Pero gihilakan gyud kini niya, “Sobrang umiyak ako nun. Pero siyempre once na-accept mo naman na yung fact kung bakit wala na...Ganun naman yun, e. Meron akong nakitang quote, sabi, ‘It’s not about moving on, it’s about acceptance.’ Kapag na-accept mo na, okay ka na.”

Si Sue?

Wala man tuod nanganli sa interview ang kapamilya star nga ex-girlfriend ni David, apan sa nilabay nga bulan pa nagbaha ang tsika online nga ang nagkasikat karon nga aktres nga si Sue Ramirez matud pa ang maong babay.

Naukayan sa netizens nga adunay hulagway sila si David ug Sue niadtong 2017 nga kuha sa managsamang dapit didto sa Korea. Sa IG, nag-follow pa sab matud pa hangtud karon si Sue sa ubang family members ni David.

No way!

Supak si Marjorie Barretto nga mag-artista ang iyang bugtong anak lalaki nga si Leon. Sa vlog interview ni Leon sa iyang inahan niingon si Marjorie nga hasta ang mga igsuong babaye sa nahisgutan, dili sab ganahan nga mag-showbiz kini. Buot ni Marjorie nga magdoktor o magnegosyo ang iyang anak, kinsa kasamtangang nagtungha og Marketing.

Magkumustahay

Si Tanya Garcia ug Kris Aquino ang adunay komunikasyon. Kini suma pa sa bana ni Tanya nga si Mark Lapid kinsa ex-boyfriend ni Kris. Giangkon ni Lapid ngadto sa PEP nga nagkarelasyon sila ni Kris sa hamubong panahon niadtong 2004. Wala matud pa sila nag-away, walay bad blood human sila nagbulag. Niadto pa gani si Kris sa ilang balay, diin nagdala kini og BTS items alang sa ilang tulo ka mga anak ni Tanya nga puros babaye. Hinungdan nga nagka higala si Tanya ug Kris, ug nga karon magkinumustahay sila sa kahimtang sa TV host kinsa siyam ka bulan na nga atua sa Amerika aron magpatambal sa iyang auto-immune disease.

Manghadlok diay

Horror ang tema sa reunion project nila ni Sam Milby ug Judy Ann Santos. Kini mao ang pelikula nga mag-ulohan og “The Diary of Mrs. Winters”, nga 80% sa mga eksena, adto himuon sa Canada, ubos sa direksyon ni Rahyan Carlos. Kahinumduman nga nagkapares sa ABS-CBN series nga “Huwag Ka Lang Mamawawala” ang duruha, usa ka dekada na ang nilabay.

Lahi ang tsugi

Gipahimug-atan ni Willie Revillame ang paghimakak sa tsika nga ang iyang show nga Wowowin maoy manamilit sa ere human sa balita nga may mag-goodbye sa AllTV Network. Kini pinaagi sa pagpakita og hulagway sa nagpadayon nga construction sa Wowowin studio nga nahimutang sa usa ka mall ug hapit na kini mahuman. Suma pa niya, naningkamot na sab ang management nga mapalapdan ang coverage sa ilang estasyon aron mas daghan ang makakita. Una nang nibuto ang tsika nga may usa ka show sa maong estasyon ang nag last taping day na ug gipamayran ang talent ug production crew subay sa nalatid sa kontrata. Ang tsika, alkanse ang maong estasyon sanglit wala pay nanulod nga advertisers sukad kini nibukas sa nilabay nga tuig.

Mag-artista  ra gyud

Wala nay plano ang kanhi Pinoy Big Brother housemate nga si Franki Russel nga moapil pa og beauty pageant. Nisalmot siya sa Miss Universe United Arab Emirates niadtong 2021, apan nakansela ang pageant, usa ka semana sa dili pa ang coronation night. Matud niya, niapil lamang siya sa maong pageant aron aduna siya'y kalingawan panahon sa pandemya. Suma pa sa Viva Artist star, 28-anyos na siya karon, daghan siya og beauty-queen friends, busa kun interesado pa gyud unta siya, niadtong bata pa siya nisalmot na gyud unta siya og beauty pageant. Suma niya, pag-arte gyud iyang gusto, ug buot niya og kontrabida roles.

Hoyyy ka sexy!

Giunsa diay ka, dai Celeste Cortesi? Perte man gyung pa sexy! Nagkagubot ang followers ni Miss Universe Philippines gumikan niining mao niyang hulagway nga nakaangkon og kapin 100K likes sa Instagram, 21 ka oras human niya gi-upload. Lakip sa nireact si Piolo Pascual.