Diet ra na

CEBU, Philippines — Gibaraw ni Ogie Diaz ang pagduda nga nagparetoke si Andrea Brillantes. Matud sa beteranong showbiz host ug manager, sa iyang nahibaw-an, gipa diet sa management si Andrea kay nanambok kini human sa Star Magic tour didto sa Amerika. Matud ni Ogie giseryoso ni Andrea ang pagdiet busa mas nihulma karon iyang lawas ug nipatigbabaw ang iyang kaanyag.

Mental Health issues

Gibutyag ni Sunshine Dizon sa usa ka IG post sa nilabay nga adlaw nga na-diagnose siya nga adunay gihambin nga mental health issues."Diagnosed with PTSD, Depression, Panic attacks, Abandonement issues and thats just skimming the surface. Im on xanor, jovia, revotril for emergencies and stilnox." Matud sa award-winning actress nga samtang nag-inusara lamang siya sa hospital, natugkad niya nga aduna gyuy mga higala nga buhaton ang tanan aron tabangan ka ug aduna say uban nga daghan og rason sanglit dili gyud intensyon nila nga tabangan ka. Giklaro niya nga ang iyang balatian karon dili gumikan sa iyang trabaho.

Ampingi imong kaugalingon

Tulo ka mga butang ang gibatbat ni Carla Abellana dihang gipangutana siya ni Camille Prats unsay mensahe niya sa alang batan-ong Carla kaniadto. Ang aktres maoy guest sa latest vlog ni Camille. Nagkanayon siya: Alagaan mo yung sarili mo. Huwag mong kakalimutan yung sarili mo. Kailangan mo magpakatatag, you have the rest of your life ahead of you. There’s so much more in store for you kaya kailangan mo lang ng lakas ng loob. Ever since naman then I’ve always believed, hindi ko kailangan i-remind sa sarili ko pero tama yan, always look back at the lessons you’ve learned from your family—your mom and lola—and how you were raised. Lagi mong kapitan yun para you [can] go back to that old self na grounded."

Walay script

Organic o natural matud pa ni Jodi Sta. Maria ang kilig factor sa mga eksena nila ni Coco Martin sa Star Cinema Metro Manila Film Festival entry nga Labyu With An Accent, diin ang aktor sab ang direktor. “I don’t know. May mga scene na as Tricia, I would say na may mga ganung scene talaga na habang ginagawa mo ang eksena... kasi, yung style, we’re just given a scene, magsa-saluhan na lang kaming dalawa. Hinahayaan lang namin na tangayin kami kung saan kami dadalhin nung eksenang yun and of course, while staying faithful to our characters. May mga scene talaga na bigla na lang sumisipa yung kilig.”

Dili Para Iyaha

Giangkon ni Joshua Garcia ngadto kang Ogie Diaz nga dili para iyaha ang vlogging. Maoy rason nga taod-taod na nga wala siyay content bisan og tiktok lang. Suma pa sa aktor nahimo ra niyang kalingawan ang vlog niadtong pandemic diin siya ra sab ang nag-edit sa iyang mga material. Pero nahunahuna matud pa ni Joshua nga dili niya kini linya ug ang pag-arte gyud maoy alang niya. Mobalik matud pa siya og himo'g content kun aduna siyay bag-ong material nga wala pa makita sa uban, sanglit pagkakaron managsama na ang tanang vlogs og paukyab. Courtesy of IG accounts: blythe ug garciajoshuae

Palpak o Pakpak

pakpak: Hollywood actress yarn? Dili uy! Si Bea Alonzo ni nga new look isip pagsugat niya pa sa nagsingabot nga pasko. Daghang niingon nga angayan kaayo ang aktres, sama siya og monyika. Mas bata siya tan-awon niining pormaha!

Palpak: Nagbaha ang mga komentaryo niining maong hulagway nga gi-upload ni kanhi The Voice Kids champion Lyca Gairanod sa iyang IG niadtong Sabado. Kadaghanan niingon nga mas giuna pa sa singer ang lovelife inay mutungha. Ang uban niingon nga kinahanglang magmatngon si Lyca kay bata pa siya, pobre sila ug kinahanglanon pa siya sa iyang pamilya. Mga hilabtanon uroy, maora gyug nakapakaon kang Lyca og usa ka lusok sa bugas!

Pakpak: Nahugyaw ang followers ni Jennylyn Mercado niadtong Sabado sa gabii human niya gi-upload ang latest nga hulagway sa iyang anak nga si Jazz. Suma pa nila, liwat kaayo ang bata sa amahan niini nga si Patrick Garcia. Haskang gwapoha!

Courtesy of IG accounts: lycagairanod.1, mercadojenny ug beaalonzo