Koreana ang Miss Earth!

CEBU, Philippines — Si Miss Korea Mina Sue Choi ang bag-ong Miss Earth. Siya maoy gikoronahan didto sa Paranaque City human sa pageant niadtong Martes sa gabii.

Ang pambato sa Pilipinas nga si Jenny Ramp, nalakip sa Top 20.

Lakip sa mga dama ni Choi si Miss Earth Air 2022 Sheridan Mortlock gikan sa Australia; Miss Earth Water 2022 Nadeen Ayoub sa Palestine; ug Miss Earth Fire 2022 Andrea Aguilera sa Colombia.

Ang mga pambato sa nasud sa Belgium, Ehtiopia, Brazil, Australia, Colombia, Namibia, Netherlands, Nigeria, Palestine, Cuba, Ireland, Korea, Slovenia, Zimbabwe, Vietnam, Norway, Puerto Rico, Czech Republic, ug Portugal ang nikompleto sa Top 20.

Nipadayon sa Top 12 ang mga representante sa Brazil, Belgium, Zimbabwe, Nigeria, Colombia, Australia, Puerto Rico, Palestine, Cuba, Portugal, Netherlands, ug Korea.

Sa Top 8, nahibilin na lang ang mga pambato sa  Palestine, Australia, Korea, Zimbabwe, Belgium, Puerto Rico, Colombia, ug Netherlands.

Happy Heart

Malipayon ang kasingkasing ni Ruffa Gutierrez. Ug matud ni Ruffa, kana maoy importante inay magpadala sila sa pressure nga angkunon na gyud nila ni Herbert Bautista unsa gyud ang estado sa ilang relasyon. Matud ni Ruffa-- kansang bag-ong talk show nga nag-ulohan og MOM kauban sila si Mariel Rodriguez ug Ciara Sotto nagsugod na sa AllTV adtong Lunes sa buntag--daw mentor niya si Herbert. First time matud pa niya nga maguwang ang iyang ka date, ug daghan kaayo siya'g nakat-unon gikan niini. Gani, ang una nilang date nilungtad og pito ka oras diin gitun-an nila ang pag-eskuyla sa iyang anak nga si Lorin sa Amerika. Gikwenta nila ang magasto ug gibusisi ang uban pang mga detalye kabahin niini.

Travel plans

Mag-bestfriends ang estado nila ni Darren Espanto ug Cassy Legazpi. Kini suma pa mismo ni Cassy sa balita sa PEP Troika. Dili pa gyud nila matawag nga sila na ni Darren. Isip magbestfriends, daghan sila'g travel plans. Nag-una sa ilang listahan mao ang Japan sanglit favorite place kini ni Cassy ug wala pa makaadto si Darren.

Mga bastos

Nidangop na sa NBI si Jaclyn Jose gumikan kay makaduha na na hack ang iyang facebook account. Una kining na hack niadtong November 23, na recover niya ug nausab ang password, apan na hack na pud niadtong November 26. Busa pasidaan niya, dili tagdon kun adunay mo message gamit iyang FB ilabi na kun maglambigit og kwarta.Post niya sa IG: to every one ... wala napo ako social media... hanapin ko muna hacker pina NBI ko na at saka na lang ako babàlik...bastos at wala galang itong gumagawa.. .i will not post... nor text any one lalo na kung money involved... ignore....hahanapin ko.. malapit na meron na ako lead... antayin na lng nia.”

Frontal nudity

Andam si Jake Cuenca nga mag-all out frontal nudity sa usa ka pelikula, ubos sa kondisyon nga buhaton kini niya alang sa usa ka Hollywood film, o entry paingon sa Venice Fim Festival. “Kumbaga, if it’s a Hollywood film, yes, let’s do it. If it’s a film that’s going to Cannes or Venice or Oscar’s, let’s do it. Why not? I will not hold back. But if it’s something na baka, maybe, if, when, naku huwag na. Kung hindi rin sigurado na makakarating tayo doon, then maybe I won’t do it," niya pa sa solo presscon niya niadtong November 19, alang Metro Manila Fim Festival entry nga,"My Father, Myself", diin aduna silay mga mapangahason nga eksena ni Sean de Guzman ubos sa direksyon ni Joel Lamangan.

Nasakit si Darna

Nataptan og dengue ingon man na-UTI ang bida sa ABS-CBN's Mars Ravelo's Darna nga si Jane de Leon. Sa usa ka IG story niadtong Miyerkoles, nangayo'g dispensa ang 24-anyos nga si Jane nga dili siya aktibo sa IG. Nasakit pa gihapon siya, niya pa. Nagpasalamat siya ngadto sa mga nag-ampo sa iyang hingpit nga  kaayohan.