Kalibotan sa pagkanta gisuwayan ni Noah

CEBU, Philippines — Human nisikat  tungod sa iyang mga video sa TikTok , gisudlan na usab ni  Noah Raquel ang  music scene pinaagi sa iyang  debut original song nga “Nakalimutan".

Wala gyud sa iyang plano  kaniadto nga sudlan ang kalibutan sa musika ug kalit ra gyud nisantop sa iyang huna-huna ang maong butang.

Usa sa nagtangag nga mensahe sa iyang awit mao nga  makalingkawas ra gyud ang tawo human mag-agi og mga kasakit. —

Heaven mihimakak sa isyu

Hugtanong gihimakak sa aktres nga si Heaven Peralejo ang  nikatap nga taho nga matud pa duna sila'y relasyon ni Jameson Blake.

Suma pa ni Heaven nga higala ra gyud niya si Jameson kinsa nakapares niya sa seryeng

"A Family Affair."

Gitataw sa aktres nga naka-focus siya sa iyang career ug wala pa siya'y plano nga mosulod og balik sa usa ka relasyon. 

Max nag-topless sa photoshoot

Gipistahan dayon sa netizens ang gi-post nga hulagway ni Max Collins kun diin  naka-topless ang aktres.

"Damned if I do and damned if I don’t, so might as well hang loose," caption pa ni Max sa maong hulagway.Nakadawat og mga pagdayeg ang Bench underwear photoshoot  sa aktres  sanglit nilutaw gyud ang iyang pagka-sexy.

Usa sa nihatag og positibong mensahe mao ang iyang higala nga si Carla Abellana.

Suod nga higala ni Clint

Suod nga higala  ni Clint Bondad ang bag-ong tag-iya  sa Ms. Universe nga si   Anne Jakrajutatip .

Gikatahong kapila na  ka higayon nga gibisita ni Clint si Anne didto sa Thailand.

Una na nga nikisaw sa miaging adlaw ang balita nga duna nay bag-ong tag-iya ang maong prestihiyosong indigay.

“Bring yourself into the positive harmony of the universe and allow the 100% good energy into your life from now on," matud pa niya.

Gibaligya kini  sa kanhi tag-iya nga si  Ari Emanuel  sa  presyong US$20 million.