Gi-intriga sa vlogger nga si Xian Gaza ang actress ug social media influencer nga si Ivana Alawi, kinsa niining bag-o lang, naguol ug nahibulong nga kalit nga nawagtang ang iyang Facebook page nga adunay 19 million followers nga walay pahibawo ug wala sab siya'y nahimong violation. Alang kang Xian, hayan gi-unpublish ra ni Ivana ang maong page aron makalikay sa nagsingabot nga audit sa BIR, sa ingon dili makabayad og tax.
Husaya na…
Dili pabor ang beteranang talent manager nga si Lolit Solis sa isyu karon ni Herlene Nicole “Hipon Girl” Budol tali sa kanhi niya talent manager. Suma pa ni Lolit, dili maayo nga mag-away ang talent ug manager gumikan lamang sa kwarta. Nanghinaot siya nga mahusay ra ang duha ka kampo sanglit dili kini makaayo sa imahe ni Herlene karon nga magsugod na siya sa iyang teleserye. Tambag sab niya ngadto sa mga talent managers, kinahanglang transparent gyud matud pa ang tanan, kinahanglan plastada pilay kita sa talent, pilay deduction aron walay isyu sa kwarta.