Si Andrea maoy ni-una

CEBU, Philippines — Gisanong na ni Andrea Brillantes ang dugay na nga hangyo sa iyang fans nga mag-Q&A vlog siya kauban ang iyang uyab nga basketball varsity nga si Ricci Rivero. Sa iyang latest vlog, gitubag nila ni Andrea ug Ricci ang pipila ka mga pangutana nga matud pa sa aktres kinuha niya gikan sa Twitter ug Instagram comments sa iyang followers.

Gibutyag sa aktres nga nagkita sila ni Ricci sa usa ka sikat nga club sa Taguig. Mao kining panahona nga broken-hearted pa siya, ug miikyas aron molaag. Dili sab hinuon matud pa walwal.

Nikuyog ra matud pa siya niadtong panahona sa iyang higala, human sila nitambong og birthday. Niabot matud pa si Ricci, ug gi-greet sa tanang tawo didto kay diay selebrasyon diay kadto alang sa basketbolista.

 “Nag-hi siya sa lahat tapos skip sa akin.” Butyag sa aktres.

Dihang gipangutana unsay unang impression niya kang Ricci, niingon si Andrea: “First impression ko po sa kanya mayabang, suplado, akala mo kung sino.”

Apan giangkon ni Andrea nga siya maoy nag-first move tali nilang duha. Ni Ricci pa, “Ngayon po, itong relationship na ‘to, siya. Ikaw yung nag-follow, ikaw yung nag-message.”

Dason ni Andrea, “Oo. Dati kasi, nagchat na sa akin si Ricci sa private account ko. Nag-DM siya sa akin pero hindi ako nagreply sa kanya nung time na ‘yun. Tapos, ‘yun na nga, nagkita na kami.”

Human matud pa sa mao nilang panagkita, gi-follow siya’g balik ni Andrea. Buot pasabot kanhi na sila IG friends, apan gi-unfollow nila ang usa’g-usa.

Pasabot ni Andrea nganong subli niyang gi-follow si Ricci: “So dati, nag-follow kami sa isa’t-isa tapos nag-unfollow din kami sa isa’t-isa. Nasa IG stories ka kasi ng mga friend ko tapos ang sabi ko sa sarili ko, ‘Inunfollow ko siya dati, follow ko kaya ulit.”

Padayon niya, “Kasi nag-post siya ng astrology tapos sabi ko ‘Wow, you’re into astrology also’ kasi nga ‘di ba, mahilig po ako ako sa mga zodiac sign. So parang natuwa lang ako. Lalaki na mahilig sa astrology.” Giangkon sab ni Andrea nga wala nisantop sa iyang hunahuna kaniadto nga magkauyab sila ni Ricci.

“Hindi po. Hindi po talaga. Kasi una, mas matanda siya, basketball player siya, La Sallian siya. Lahat po ng red flags na nakikita ko sa isang lalaki, nasa kanya. Kasi di ba galing ako sa heartbreak, kailangan ko protektahan ang sarili ko.”

Gisugot ni Andrea si Ricci human sa UAAP basketball game tali sa FEU Tamaraws ug UP Maroons—diin sakop si Ricci—niadtong April 9, 2022, atubangan sa nanan-aw sa maong duwa.

Wow, Chai!

Todo pakpak ug nagbaha karon online ang #proudpinoy, human hingpit na nga nilugwa ang trailer sa Hollywood horror movie nga Nocebo nga gibituonan ni French actress Eva Green ug gigama didto sa Ireland taliwala sa pandemya. Mapasigarbuhon kaayo ang netizens sa maong movie trailer sanglit apil niini ang award-winning actress nga si Chai Fonacier diin markado gyud ang iyang role isip yaya nga maoy nakatabang sa misteryoso nga sakit sa bida nga si Christine (Eva). Importante kaayo ang role ni Chai sanglit sa iyang karakter motuyok ang istorya. Suma pa sa netizens, maka proud kaayo si Chai kay basi sa trailer wala gyud matabuni ang abilidad niya sa pag-arte ug ang nakanindot pa kay naghilomhilom ra gyud siya apan hugyaw diay kaayo ang international project. Si Chai, nahimugso sa Cagayan de Oro City, ug dinhi na sa Sugbo nagbase sa daghang mga katuigan. Lakip sa iyang sikat nga mga pelikula diin gipakpakan sab ang iyang abilidad sa pag-arte mao ang Patay na si Hesus, Born Beautiful, ug Miss Bulalacao. Niadtong 2015, best supporting actress siya sa Cinema One Originals alang sa iyang role sa Miss Bulalacao. Ug sa Patay Na Si Hesus, niadtong 2016, best supporting actress sab siya sa 35th Luna Awards. Singer sab siya. Gani, nalakip siya sa unang edition sa Pinoy Dream Academy sa ABS-CBN niadtong 2006.

Nagmugna’g movie

Nakahimo og pelikula si Bela Padilla isip director niining pagpauli niya karon sa Pilipinas. Gibutyag sab niya sa iyang IG post nga sa pag-abot niya sa nasud pipila ka semana ang nilabay, didto sa balay sa iyang suod nga higala nga si Kim Chiu siya niistar og pipila ka adlaw. Nahimamat matud pa niya ang iyang pamilya ug mga higala. Nakapahuway siya, ug walay nagsamok niya, hinungdan nga mapasalamaton siya nga gipasagdan ra sab siya sa iyang mga kaila nga naghilom-hilom ra siya.

Gi-scam sa manager?

Gi-akusahan og pagpangakawkaw ni Herlene Nicole “Hipon” Budol ang kanhi niya manager nga nakaila niya niadtong nag-host pa siya sa Wowowin. Suma pa niya ngadto sa programa ni Senator Raffy Tulfo, dul-an milyon ka pesos ang talent fee nga wala matud pa niya nadawat ug giingong gibulsa sa kanhi niya manager. Suma pa niya, wala silay kontrata, ug nagpatabang siya nga maka raket niadtong pandemya sanglit wala na gyud siyay kwarta. Apan ang resulta, nigawas nga siya pa ang dunay utang kay gipabayad matud pa siya og P1K kada adlaw sa paghatud kuha sa iyang manager niya paingon sa iyang mga appointments sulod sa walo ka bulan. Naapil sab ang pag-istar niya sa panimalay niini og pipila ka bulan ug ang pagkuha niya og driving lessons. Ang talent manager nga dili lamang usa nato nganlan, namahayag ngadto sa PEP nga muluwat siya og pamahayag ug magpa interview sa telebisyon sanglit dili makatarunganon ang pamasangil ni Herlene ug makadaot kaayo sa iyang pagkatawo.

Congrats, MC, Viva!

Dako ang kalipay ni direk McArthur Alejandre gumikan kay nidaog siya isip Best Director sa 4th Wallachia International Film Festival didto sa Bucharest, Romania niadtong October 1. Alang kini sa pelikula nga Silip Sa Apoy nga may international title nga Eyes of Fire nga sinuwat sa iyang suod nga higala nga si National Artist for Film and Broadcast Arts Ricky Lee ug gibituonan nila ni Angeli Khang, Paolo Gumabao ug Sid Lucero. "Masaya talaga ako para sa Vivamax kasi may lumabas na review sa Romania na nabasa ko, walang banggit sa sex scenes ng Silip Sa Apoy. Ang focus nila yung story, yung vision, yung context, at acting. Natuwa talaga ako,” tipik sa pamahayag ni Alejandre sa exclusive interview sa PEP.

Naghinamhinam na si Sue

Andam na si Sue Ramirez sa taping sa iyang latest project sa ABS-CBN nga mao ang Iron Heart, diin gitakda siya nga mulupad paingon dinhi sa Sugbo sanglit dinhi gam-on ang maong action series diin makauban niya sila si Richard Gutierrez, Jake Cuenca ug Maja Salvador. Nakapahuway na matud pa siya, ug gisinati na niya ang iyang role. Nagsige na matud pa siya og basa sa script ug nindot gyud matud pa iyang role ug todo action matud pa ang maong project. Sa mga bida, bugtong si Maja na lamang ang wala pa makatrabaho ni Sue, busa excited sab siya niining una nilang panag-uban.

Manguli Na Ta!

Mao nay usa sa mga komentaryo nga nadawat niining maong mga hulagway ni Janine Gutierrez. Manguli na matud pa kay winner na ang aktres sa iyang ka hot and sexy. Pinisik kining maong mga hulagway ni Janine sa iyang pagpahayahay sa usa ka beach resort niadtong October 2, nga 33rd birthday niya.