Nanghagwa

CEBU, Philippines — "Behaved for way too long." Mao kanay caption ni Ivana Alawi niining hulagway nga gi-upload niya sa nilabay nga adlaw. Taod-taod sab gyud nga wala siya nag-upload og sexy photo sa iyang IG account. Gihangop sa iyang followers kining maong hulagway, hinungdan nga nakaangkon kini og, 195, 611 likes sulod sa 19 hours.

Natuman Gyud!

Pangandoy ni Herlene Nicole Budol ang makasul-ob og Darna costume. Hinungdan nga mao kini tema sa iyang 23rd birthday niadtong nilabay nga adlaw. Ug kay idol man niya si Marian Rivera, ang design sa costume niini maoy iyang gisunod. Kahinumduman nga nilupad isip Darna si Marian niadtong 2009, sa teleserye nga gimugna sa GMA7. Courtesy of IG account: herlene_budol

Dili Tinuod

Gihimakak ni GMA Vice President for Drama Productions Cheryl Ching-Sy ang tsika sa beteranang kolumnista Lolit Solis nga nireklamo ang Korean producers sa Start Up sa dagway ni Bea Alonzo sa umaabot nga Pinoy adaptation sa network. Ang tsika ni Lolit, nireklamo ang Korea kay daw auntie na ni Alden Richards ang dagway ni Bea. Apan suma ni Sy, aprobado si Bea sa Korean producers, ug kun aduna pa man gani ingon niini nitsika, karon pa lamang, iya nang giklaro nga dili kini tinuod.

TV Debut

Sa telebisyon na gyud mag-direktor si Xian Lim. Kini pinaagi sa usa ka episode sa Wish Ko Lang sa GMA7. Ang actor mismo maoy nagpahibawo niini pinaagi sa iyang Instagram, dungan sa pagpasalamat sa Kapuso Network niining kahigayonan nga gihatag ngadto kaniya. Nag-upload sab siya og hulagway niya nga nagtalikod samtang nag-atubang sa camera. Ang aktres nga si Rochelle Barrameda nag-upload sab og hulagway ni Xian samtang naggunit og script og may caption nga “with our director.”

Tsika Ra 

Kun nabaniog na nga ang Batang Quiapo matud pa ang follow-up project ni Coco Martin human sa FPJ’s: Ang Probinsyano, maisip nga tag-an, tag-an pa ang tanan sa pagkakaron. Kini kay suma pa ni Regal Films executive Roselle Monteverde, wala pay negosasyon tali nila ug sa kampo ni Coco o sa ABS-CBN mahitungod niini. Giklaro niya ngadto sa PEP Cabinet Files nga Regal Films ang producer sa blockbuster movie ni Fernando Da King Poe Jr. ug Maricel Soriano niadtong 1986, ug dili ang FPJ Productions. Hinungdan nga kun tinuod man gani nga mao kini ang musunod nga teleserye, sa Regal Films makignegosasyon sanglit ang maong film outfit ang adunay copyright niini.

Dili Exclusive

Gibutyag ni direk Joel Lamangan ngadto sa PEP nga nanluod niya ang Viva Films hinungdan nga wala pa siya hatagi og project alang sa VivaMax. Kini kay nihimo matud pa siya og pelikula sa bag-ong steaming app nga AQ Prime. Apan katarungan sa banggiitang director, wala siyay exclusive contract sa Viva Films busa mahimo siyang mogama og proyekto sa ubang movie outfits. Ug sa edad ug estado niya karon, dili na matud pa siya angayang higtan og kontrata, o but-an asa siya mogama og proyekto. Dungan niini, gibutyag sa director nga aduna siyay himuong teleserye sa bag-ong network, ang AMBS, diin tulo matud pa ka mga aktres ang bida. Thirteen episodes kini ug P15M ang budget. Dugang pa niini, aduna sab siyay himuong pelikula para sa umaabot nga streaming app nga Amigo. Aduna pa siyay pelikula para sa VivaMax, ang Girl Friday nga wala pa isalida.

Magpa Annul Na

Gibutyag ni Claudine Barretto sa exclusive interview sa PEP nga karon pa lamang magsugod ang annulment proceedings sa kasal nila ni Raymart Santiago sukad sila nagbulag niadtong 2013. Matud pa niya, adunay punto nga wala sila nagkasabot ni Raymart busa balik na sab sila sa uno. Wala pa sab sila magkita ug magkaistorya ni Raymart ug puros mga abogado lamang nila ang nag-istorya. Si Raymart matud pa maoy iyang gipa file og annulment. Niya pa ngadto sa PEP, "Siya na ang pinag-file ko. Alangan naman ako pa rin ang gumastos pagkatapos ng lahat ng nakuha niya. Dyusko! Hahaha! Siya ang gumastos, di ba? Siya ang may kailangan, siya ang gumastos."