Stars of Summer

Gumikan niining naglagiting nga kainit, nindot gyud kaayong ihumol sa tubig. Beach outing gyud ang tirada karon sa kadaghanan. Ibandera ang kurba nga lawas, ipakita ang abs, buhata ang pose nga dugay ra nimong giplano aron imong ibalandra sa imong social media accounts ang imong hulagway.

Ug kun naglibog ka pa unsaon pag-posing aron makabibihag tan-awon ug mora gyud og celebrity, pwes atong lilion giunsa sa imong mga paborito ang ilaha, pinaagi niining Hugyaw Summer Special!

Maris Racal. Una gyud niya kining swimsuit pictorial nga professional photographer ang ni take. Niining bag-o lamang, nitekang sa Baler, Aurora ang pipila ka Star Magic talents alang sa usa ka summer pictorial may labot gihapon sa 30th anniversary sa maong talent agency sa ABS-CBN.

Julie Ann San Jose. Nakatekang sa Boracay niining bag-o lang ang singer-actress gumikan kay subli siya nga gipa guest sa sitcom ni John Lloyd Cruz nga Happy ToGether. Didto sa maong isla nagtaping ang nahisgutang sitcom alang sa ilang summer episode. Busa, nisingit sab gyud si Julie og pictorial pang Instagram.

Max Collins. Dili sab magpalupig ang aktres, kay nindot man sab gyud siya og lawas. Sama kang Julie Ann, guest sab siya sa sitcom ni John Lloyd, busa pictorial galore sab siya.

Andrea Torres. Ang kapuso star kinsa nagbirthday niadtong nilabay nga adlaw, nagpahayahay sab sa Coron, Palawan niining bag-o lang. Pwes, posing didto, posing diri sab iyang tirada didto sa maong paraiso.

Jak Roberto ug Barbie Forteza. Nibakasyon ang magka relasyon nga sila sa Bohol niining bag-o lang. Sa post sa aktor kagahapon, todo pasalamat siya sa iyang hinigugma nga mao gyud matud pay naningkamot nga mahinayon sila sa ilang byahe sanglit kinahanglan gyud matud pa nilang magpahayahay human sa subsob nga trabaho. Gipadayag niya nga nalipay kaayo siya kay sa katapusan kauban na gyud niya ang iyang "The One" sa beach. Love matud pa kaayo niya si Barbie, ug advance celebration na ang maong laag sa ilang umaabot nga 5th anniversary isip magka relasyon.