CEBU, Philippines — Sa ikaduhang higayon, si Sarah Geronimo maoy nagrepresentar sa Pilipinas sa ASEAN-Japan Music Fest niadtong Sabado.
Tungod sa pandemya, virtual lang ang maong kalihokan. “I'm glad to represent my country, the Philippines, in the ASEAN Music Festival for the second time. Thank you very much for this opportunity. I am truly honored to be a part of this,” nagkanayon ang singer.
Atol sa maong kalihokan, gi-highlight niini ang gahom sa musika. “Music is a universal language that speaks to our soul through every stage of life. Music is very powerful. It can heal a wounded heart, uplift one’s spirit and bring renewed hope. I do hope our music and performances can be a source of inspiration for all of you," saysay pa ni Sarah.
Gikanta niya ang “Ikot-Ikot" ug "Isa Pang Araw".
Nakadaog ang volunteers
Nakuha gyud sa 25 community pantry volunteers ang jackpot prize nga P500,000 sa community singing game show ni Vice Ganda nga "Everybody, Sing!". Natag-anan sa mga partisipante ang 10 ka titulo sa kanta nga gipatukar sa jackpot round. “Mahigit pa sa P500,000 yung ibinigay n'yong serbisyo at pagmamahal sa mga di n'yo kilala," mensahe pa ni Vice ngadto sa volunteers.
15th anniversary
Gisaulog ni Alex Gonzaga dili pa lang dugay ang iyang 15th anniversary sa showbiz. “Di man tayo kagandahan noon ang importante gumanda na kahit paano ngayon. Happy 15th anniversary to us mula nung kinapalan mo mukha mo at nag-audition ka," suma pa Alex.
Dunay fans sa Indonesia
Dunay fans club si Kathryn Bernardo nga nagbase didto sa Indonesia. Gitawag kini og KaDreamers Indonesia. Ang maong grupo nag-organize og tree planting ug gipahinungod kini sa ilang idolo. Gihangop pag-ayo ni Kathryn ang gibuhat sa iyang fans.
Jimuel miarte na
Misikad na niadtong Sabado ang labing una nga acting project ni Jimuel Pacquiao ug kini mao ang iWantTFC digital anthology series nga Click, Like, Share. “I was kind of nervous at first kasi it’s the first one so you want to really do good. A few nights before I kept on studying the script and doing what I could do. I was just really nervous. I knew I would do my best,”matud pa ni Jimuel.
Lig-on gyud
Unom na ka tuig ang relasyon nila ni Jerald Napoles ug Kim Molina. Gipaneguro sa duha ang lig-ong pundasyon aron lisod bungkagon ang ilang relasyon. “Ano po, eh, kasi late bloomer kami sa career. We want to maximize po sana kung ano po yung kayang i-offer pa namin para mas solido yung pundasyon kung saan man kami papunta in the near future,” suma pa ni Jerald
Duha ka dekada
Naanad na sila si Aubrey Miles ug Troy Montero sa kasagaran nga ipangutana sa mga tawo kanila kun nganong wala pa gyud sila nagpakasal. Nasayran nga dul-an na sa duha ka dekada ang ilang relasyon. “We always say, it’s going to happen. It's just because we know it’s going to happen and we’re not really in a rush,” nagkanayon si Aubrey.
Loyal sa GMA
Mapasalamaton gyud si Kristoffer Martin sa GMA-7 gumikan kay wala gyud pasagdi ang iyang career. Suma pa niya nga 10 na siya ka tuig sa industriya ug nagpabilin gihapon siya nga Kapuso.
Gidalit alang sa Pride Month
Idalit sa iWantTFC karong panahona ang mga pelikula ug series nga gihaom sa kasaulogan sa Pride Month.
Pipila niini naglangkob sa blockbuster hits ni Vice Ganda nga “Girl, Boy, Bakla, Tomboy,” “This Guy’s in Love with U, Mare,” ug “Petrang Kabayo.” Nalakip usab sa listahan ang “Die Beautiful” ug “The Panti Sisters” ni Paolo Ballesteros.
Pasok pud ang “Ang Dalawang Mrs. Reyes” nila ni Judy Ann Santos ug Angelica Panganiban, “Bakit Lahat ng Gwapo May Boyfriend?!” nil Anne Curtis-Smith, Dennis Trillo, ug Paolo Ballesteros, ug “The Third Party” nila mi Angel Locsin, Sam Milby, ug Zanjoe Marudo.
Dili usab magpaulahi ang iWantTFC original series nga “Oh, Mando” nila Kokoy de Santos ug Alex Diaz , “Fluid” ni Roxanne Barcelo, ug “My Single Lady” ni Jodi Sta. Maria.
Mikompleto sa listahan ang “ Mga Batang Poz” , “Manilennials”, “Hello Stranger”, “2gether The Series” , “Still 2gether,” , “A Tale of Thousand Stars,” “Theory of Love,” “The Shipper,” “Dark Blue Kiss,” ug “Come To Me.”