Bernadette, may COVID-19, nakugang!

CEBU, Philippines — COVID-19 positive si TV Patrol co-anchor Bernandette Sembrano. Kini iyang gipahibawo mismo niadtong Huwebes sa gabii pinaagi sa Instagram.

Nakugang siya paggawas sa resulta sa ilang mandatory RT- PCR test sanglit wala gyud siya’y gipamati ug walay sintomas.

Ug kana maoy hinungdan nganong nipahibawo siya sa publiko kabahin sa iyang sitwasyon aron magmatngon ang katawhan ug mosunod gyud sa health protocols.

Niya pa: “I am coming out para lang ma-enlighten ang marami sa atin.

“Kadalasan ang iniisip natin, pag COVID, yun pong mga pasyenteng mahina ang katawan na may tubo, nangangayayat, inuubo.

“Pero marami po ang kagaya ko na asymptomatic.

“Asymptomatic na feeling mo wala kayong sakit. Wala kayong COVID at patuloy po tayong naghahalubilo kasama ang ibang tao.

"'Yon yung nakakatakot kasi we can be endangering the lives of the people around us and the lives of our loved ones.”

Gidasig niya ang publiko nga kun may kahigayonan nga maka pabakuna batok Covid, pahimuslan gyud kini.

“Magpa-vaccinate na rin tayo.

“I still believe that we can thrive and outsmart the virus.

Nagpadungog- dungog?

"Keep calm and let karma finish it."

Mao na ang maka intriga nga Instagram caption ni Andrea Torres sa iyang black and white photo nga gi-upload kagahapon, kansang mga kamot giisa, nagpiyong ang mga mata ug daw nalingaw nga naminaw og tukar.

Walay laing gisulti si Andrea apan ang mga netizen dali kaayo nga naka konek sa ngalan ni Derek Ramsay nga hayan maoy gipadungog-dungog sa aktres.

Kahinumduman nga nabalita sa Banat News Hugyaw kagahapon nga giangkon ni Derek sa usa ka interview nga siya maoy nakigbuwag kang Andrea pinaagi lamang sa telepono.

Matud sa actor, may isyu nga nagsumpaki sila, ug bisan og unsaon dili na gyud matud pa matakdo sanglit managlahi sila og baruganan.

Sukad sa ilang panagbuwag niadtong Nobyembre human sa kapin tuig nga relasyon, wala gyuy pamahayag si Andrea Torres kabahin sa kalit nilang break-up.

Sa iyang pagguest sa Boobay & Tekla Show sa GMA7 sa nilabay nga bulan, walay gihisgotan nga ngalan apan tataw nga ang relasyon nila ni Derek ug Ellen Adarna ang gipasabot sa pangutana kun wala ba magselos si Andrea. Tubag niini: Wala.

Gipangutana sab siya kun wala ba siyay gimahayan. Tubag ni Andrea: “Meron. Sa oras na nawala sa atin nu’ng COVID, ‘di ba? A, ‘yung mga planong hindi natuloy. Ang dami kaya, ako ang dami kong… nu’ng start pa naman ng 2020 na diniclare mo talaga na, ‘This is it.’”

Gusto ra motabang

Nangayo og pasaylo si Angel Locsin human nga may namatay nga tiguwang kagahapon samtang nilinya sa iyang gipahigayon nga community pantry isip pagsaulog sa iyang 36th birthday. Suma pa ni Angel, dili niya tuyo nga mao kadto ang mahitabo, ganahan lang gyud unta siya motabang. Giklaro niya nga hapsay ang pagpahigayon sa sinugdanan sa maong kalihukan diin may mga opisyal sa barangay, sa LGU, mga police ug military nga nitabang pagpatuman sa health protocols. Nabulabog lang matud pa mga 10 sa buntag dihang may mga misingit sa linya.

Mura’g barbecue…

Viral ang video clip nga tipik sa vlog ni Gerald Anderson. Mao ni ang parte diin nikaon si Julia Barretto og barbecue nga chicken intestine ug miingon siya nga mora matud pa og barbecue. Giingnan siya ni Gerald nga barbecue man gyud, ug nasorpresa si Julia. Ang netizens nga nakakita giartehan kang Julia hinungdan nga daghang mga ni-bash niya.

Dili mangapil

Naibanan og 18 ka mga kandidata ang 69th Miss Universe pageant sunod bulan. Sa labing unang higayon, walay representante ang Germany sanglit wala sila nakapahigayon og pageant gumikan sa Covid. Ni-withdraw sab ang mga musunod gumikan gihapon sa Covid: Angola, Egypt, Equatorial Guinea, Georgia, Guam, Kenya, Lithuania, Mongolia, Namibia, New Zealand, Nigeria, Saint Lucia, Sierra Leone, Sweden, Tanzania, Turkey, ug  ang U.S. Virgin Islands.

Sanya, perfectionist

Gidayeg si Sanya Lopez sa director niya sa Agimat ng Agila nga si Rico Gutierrez. Suma pa, perfectionist si Sanya, ug andam na sa iyang mga linya inig abot sa set. Sa May 1, puhon mulugwa sa GMA7 ang nahisgutang weekly series nga gibituonan ni Senator Bong Revilla.

Trust gyud

“Communication and trust ang importante.” Mao nay tubag ni Init Sa Magdamag star Yam Concepcion sa pangutana ni Toni Gonzaga unsay sekreto aron molampos ang long distance relationship. Taod-taod na nga LDR ang sitwasyon ni Yam ug sa iyang non-showbiz  boyfriend nga si Miguel Cu-unjieng nga atua magbase sa New York.