Magampo Maglig-on

I think, gawas nga atong dasigon ang katawhan to stay at home, awhagon sab siguro nato sila to do steps to boost their immune system. Like kinahanglan husto silag pahuway, matog og tarong. Mukaon og utanon. Muinom og vitamin C.

Dili man kinahanglan mahalon. Like ako, I have calamansi concentrate with honey, so ako siyang sagulan og tubig sa pinabukalan nga luy-a. Luy-a because it has anti-viral properties. So kamo diha, paglaga mo'g luy-a, pug-i og lemonsito. Maka save man mo kay pun-an ramana ninyog tubig ang luy-a, pwede balik balikon og pabukal for three days. Magkahalang na'g maayo, and that's better.

Kay unsaon manang stay at home tuod ta but huyang atong immune system? Kawang gihapon. Peligro gihapon.Busa kinahanglan concious gyud ta kanunay. Dili sa pag-inarte, kinahanglan manghunaw permi. Manabon sa kamot. Mamanwas sa palibot. Chlorine isagol sa tubig aron maka save.  Kinahanglan mupatuo gyud kita sa hangyo nga "stay at home" lang gyud kun mahimo. Dili lang gyud mugawas kun dili kinahanglan, walay importante nga lakaw. Kay the more nga daghan ang Covid positive cases, the more sab nga dili pa gyud malibkas ang ECQ o enhanced community quarantine. Sayud ko nga drain na kaayo ang panudlanan sa kadaghan. Wala na gyud kitay mga kwarta. Kun aduna paman ugaling, daginuton na gyud. Hugtanay sa bakus na.

Hinungdan nga mo cooperate lang gyud kita. Dili nato abusuhon. Dili kita manungog. Naa man sab gyuy uban nga ang police ug tanod ra say atangan. Kun dili sila makakita nga may tanod nga mudakop kanila, mugara sab gyud og panggawas, istambay sa gawas. Dili na maayo. Kun ingon ana, aww, dili gyud kita mahuman niini. Busa kamo diha pagbinanyayay sab mo. Badlunga imong silingan kun mugawas gawas nga walay igong hinungdan. Ikaw mismo ayaw sab og pabadlong. Pagpuyo. Patuo.

Ayaw og gara. Ayaw panungog. Balita bitaw atong Biyernes sa gabii, gidakop kay nanghasi human nahubog. Ang chika pa, taga sikbit nga barangay kadto siya ug nanulong og inom sa iyang higala. Ang balaod mao nga mahimo na nga mubaligya ug mupalit og ilimnong makahubog basta kay dili sa publikong lugar imnon--dad on sa balay ug adto nimo imnon. Wala muingon nga panulong og inom o imbitaha imong mga higala mga mag-inom mo sa inyoha. So pabadlong gyud. Nanungog. Nanghagit sa balaod ug magbabalaod.  Magtarong na gyud tawon kita. Kapin usa ka bulan na kita nga natanggong. Kun aduna gihapoy magsige og pabadlong, maabtan na sab kita og laing bulan. Malunosan na gyud kita niining kalakiha. Busa, tabangay kita. Mag-ampo. Musalig sa Ginoo. Dili magpadala sa kabalaka.

Have a blessed Sunday, dear okRYANians!