Adjust, adapt

Last week naghisgot ato about sa ginagmay nga panikaysikay aron maka kwarta mo ilabi na kun wala moy trabaho. Gipaambit sab nako diha ninyo unsay pamaagi sa uban nga magpabligya nako sa ilang homemade products. Mahimo sab na ninyong buhaton. Before mo mubaligya, mas maayo nga inyo gyud na nga suwayan, tilawan. Sa ingon, mas epektibo ang pagbaligya. You cannot sell something you are not convinced sa quality.

Karon naguol kitang tanan gumikan niining makamatay nga Covid-19. Daghang nawad-an og trabaho. Ang mga kompaniya nanirado unya ang empleyado kay no-work-no-pay scheme. So mabalaka gyud ta. Nganga kun magkinaunsa. Good thing is sa Cebu, dili pa gyud ta under total lockdown. Community quarantine pa lamang kita, busa makagawas gihapon ang uban.

APAN, stay at home lang gyud mo intawon. Kun wala moy importante nga lakaw, ayaw usa’g kiat-kiat. Kamong mga estudyante intawon kay wala man moy klase, pagreview, pagtuon, pagbasa mo. Dili intawon ni panahon sa mga laag, outing ug uban pa. Patuo mo, kay dili ni komedya ang Covid-19 intawon. MAKAMATAY ni!

So stay at home. Kanunay ang paghunaw sa mga kamot. Panglimpyo mo sa inyong balay aron walay kapuy-an ang virus. Katulog og sakto. Kaon og prutas ug utan. Palig-ona ang imong immune system.Observe social distancing kun ugaling kinahanglang mugawas gyud mo kay adunay importanteng tuyo o gimbuhaton. Pag-mask.

Now, sa mga naguol kay nawad-an og trabaho intawon, walay income, dili mabalaka. Pwede pa gihapon mo nga maka-kwarta. Adjust, adapt to the times. Ang inyong mga ibaligya kinahanglan nga maoy gikinahanglan karon sa publiko taliwala niining kabalaka gumikan sa hulga sa Covid-19. Kini naglakip sa face mask, alcohol, prutas. Pwes, pang-angkat mo.

Kun mananahi ka, pagmugna og washable face mask kay wala nay baligya karon sa mga tindahan. Or kumbinsiha  imong silingan nga mananahi nga kini usa iyang buhaton or kun naa na siya'y mga hinimo, hangyua nga pabaligyaon ka. APAN, ayaw tawon pahimulos sa higayon ha. Resell, apan ayaw palabii ang ginansya. Gamay nga patong lang. P5 or P10 husto nana. Kay kun daghan ka og mabaligya, daghan sab nga P5 ug P10 ang maimoha.

In short, pangita diha og produkto nga labing gikinahanglan karon ug maoy ibaligya. BUT AGAIN, ayaw palabi og pa ginansya!

Have a blessed Sunday dear okRYANians! Mag-ampo lang gyud kita. This too shall pass.