Maka Happy

More and more people are into online selling. Malipay ko magtan-aw nga naningkamot sila gyud. Kay gawas nga lingaw ang mamaligya, naa man sab gyud kay gamay nga makita nga ginansya sa imong mga paningkamot online. Apan mahimo sab nga door to door ang pagpamaligya. Ilibud ba ninyo sa silinganan ba. Wala man gyu'y magbuot ninyo unsaon nga makabaligya mo. Ang importante, mahalinan. Pakpak!

Malipay sab ko kay nay  muingon nga namaligya sila kay na-inspire sila nako magtan-aw sa facebook.  Naa say uban nga nakabasa sila last year dinhi sa atong lindog katong akong gidetalye unsay pwede mabuhat aron makakwarta bisan ginagmay lang. So kumusta naman? Katong mga walay capital, nakakita na mo og pang consignment nga products. Naa man gyuy daghan actually basta mangita lang gyud og pamaagi.

Sa akong sigeg’g post og update sa akong mga baligya nga puros consignment, daghan na sab nga mga vendors nga mo message nako kay ila ko nga pabaligyaon sa ilang homemade products. My rule gyud is, kinahanglan gyud unta nakong tilawan usa ko mobaligya. Kun dili ko lamian, or ganahan, dili ko mobaligya but ako silang sultihan sa tinuod nga kuwang or linghod pa ilang product. Ako sab silang sugyotan unsay angayan buhaton aron molami o muanindot ilang produkto. Pakpak!

So naay uban nga maningkamot gyud og sige og experiment aron mulami ilang produkto. And then, ila sab dayon ko nga patilawon og balik, and the moment nga malamian nako, I sell it online right away. That’s how it works. Dili man gyud nako balibaran diretso. Akong tabangan aron makuha ang kiliti sa customer. Aduna say uban nga dili na mubalik. Manluod tingali. Well, ilaha sab na. Pakkk!

Kamo diha, musta naman? Pagsugod namo og hangyo sa inyong mga silingan nga mubaligya mo sa ilang mga produkto. Patungi lang og gamay isip bugti sa imong paghago. Hangyua nga consignment lang. Unsa gani nang consignment? Kasabutan na nga hatagan usa ka og produkto ug unya na nimo bayran kun mahalin na. Kun adunay dili mahalin imong ibalik in good condition. So no need of capital. Kinahanglan lang mutuman ka sa sabot ug ipakita nimo nga kasaligan ka. Ayaw pagminaro, pamintaha or pag-inamaw aron masaligan ka pag-usab. Pakpak!

Have a blessed Sunday, dear okRYANians!