His Pace

Graduation time na! Nagbaha na ang mga hulagway sa facebook may labot sa mga ni-graduate ug mu-graduate. Adunay nindot kaayo og mga istorya. Sama adtong fastfood chain employee nga gidungan ang trabaho ug pagtuon, ug nitapos isip magna cum laude. Naay daghan pa kaayong kapanaminan nga mga istorya. Mga istorya nga puno sa inspirasyon, paglaom ug kalampusan. Pakpak!

Apan sigurado ko nga aduna sab dihay mga nagsakit ang dughan. Nawad-an og gana, naguol ug depressed kay dili pa maka graduate. Nagtuo nga mahuman na gyud sila, apan aduna pay kuwang nga subjects, dunay mga pre requisites nga wala pa diay nila nakuha, adunay mga subjects nga incomplete nga wala nila na-comply. So mabiyaan sila sa sa ilang mga barkada. Pakkk!

I say, do not worry. Do not rush, baby. Take God’s pace. Ang pagtungha, sama sa kinabuhi, dili man gyud lumba. Dili sab gyud unta kumpetensya. Maguol man lang sab gyud ta kay masuya man kita sa atong makita sa nagkaidaya’ng social media sites ilabi na sa facebook. Actually, gumikan gyud sa social media, naubos gyud ang pagsalig sa kaugalingon sa tagsa-tagsa. Diha man gud musulod ang comparison ug ka sina. Matandi gyud nato atong kaugalingon ngadto sa uban, ilabi na nga makakita ta nga malampuson na sila. Masina gyud ta nila ba. Makaguol man sab gyud. Pakkk!

Apan mao lay hunahunaon nga ang tanan nahitabo ug mahitabo gumikan sa gimbut-an sa Ginoo. Kana kun naningkamot gyud ka ha, nagtarong ka diha sa imong pag-eskuyla, unya napakyas gihapon ka. Kay kun wala ka nagtarong og eskuyla, dili ka musulod kay kanunay lang kang naglakwatsa, dili na pagbuot sa Ginoo uy. Wala Siya’y labot og naunsa ka now. Imo ra nang sala. Imo ra nang kasaypanan nga kinahanglang imong bag-ohon ug dili na sublion pa. Pakkk!

But yes, dili gyud ni lumba lagi. Busa ayaw lang pagdali. Subaya ug dawata ang unsay gilatid sa Ginoo alang nimo. It’s His pace, not yours. Kana ba’ng nagdali gyud ka nga mahuman sa kun unsa may imong mga paningkamot, apan pagbuot man diay sa Ginoo nga maghinay-hinay lang usa gyud ka, malangay lang usa ka og gamay kay wala pa mahuman ang giandam nga maanindot kaayo’ng blessing alang nimo. Naa man gyuy ingon ana. So kun mao na imong sitwasyon diha ayaw na lang og guol-guol diha. Let go. Let God. This is not a race. Take His pace!

Have a blessed Sunday dear okRYANians! Hi to R Obradas of Guadalupe, Carcar City;  Jeanne of Lapu-Lapu, City, (ayaw pag-madame nako dai, kay gwapoo ko’s personal-dili gwapaa—pakkk!), and to Kaido Autida sa Kintarcan, Sta. Fe—wala gyud ko’y i-recommend nga tindahan diha sa Carbon. Ang akong gipasabot mao nga suroy diha’s Carbon kay naay daghan dihang namaligya og barato. Salamat.

For you reactions, ipada na with your name and address ngadto sa: 0923-968-1581