Talong sising

Ubay-ubay gyud ka mga sud-an ang makapagana sa kaon ug usa na niini ang sisig.

Maghisgot na gani og sisig, naa gyud sa atong  hunahuna nga hiniwa gyud kini nga karne o tambok sa baboy.

Apan, niining higayona, magpalahi ta. Atong suwayan ang gitawag nga talong sisig ug dili pud kaayo dako ang magasto niini.

Mga sagol:

250 grams talong

100 grams pork liver

25 grams bell pepper

1 sibuyas bombay

3 lusak nga ahos

3 kutsara  nga  lemon o calamansi juice

5  kutsara nga soy sauce

1/4 tasa nga tubig

1 itlog

Pamaagi:

1. Hiwa-hiwaon ang  talong, pork  liver, bombay, ug bell pepper.

2. Gisahon ang ahos ug bombay ug  idugang dayon ang pork liver ug bell pepper.

3. Ibutang ang talong, soy sauce ug lemon juice.

4. Inig kaluto, ibutang dayon sa babaw nga bahin ang unod sa itlog.