Banat Showbiz

Road to SOB “Chosen for a reason”

Banat

February 13, 2018 | 12:00am

BNH: Ikumpara ang imong kaugalingon ngadto sa imong gihuptan nga karakter.

Corina: Ang similarities namo ni Bernadette kay pareho mi nga masakiton. Ako, for 15 years, sulod gawas ko ug hospital kada tuig, unya more than two-three times pa gyud, extending from a couple of days to weeks.

Ma-timingan pa gyud og holidays or akong birthday. Parehas sad mi nga eldest among siblings ug we have over-protective parents.

Ang nakalahi lang jud namo kay grabe siya ka-diyosnon ug uyamot, samtang ako kay moturok gyud ang sungay from time to time. Pero ang the best similarities namo ni Bernadette kay grabe magmahal, but not really on a romantic note. A love that equates to sacrifice.

BNH: Unsa ang dakong kausaban nga nahitabo sa imong kinabuhi human ka miapil sa SOB?

Corina: Ang pinaka dako nga kausaban sa akong kinabuhi paghuman nako’g sulod sa SOB kay wa ko magdahum nga pwede pa diay ko mahimong inspirasyon ngadto sa uban isip anak sa Ginoo ug anak sa katilingban. Kinsa man ko nga mo-instill og inspiration sa uban tawo nga utro man sad ko nga nagduda sad sa akong kaugalingon.

Pero tungod sa SOB, I realized that I was chosen by Mary for a reason. I was chosen by the SOB team for a reason. Hinuon, lisud sad siya isabot, pero maka-ingon sad ko nga basin aduna silay nakita nako nga wa nako makita sa akong kaugalingon. Paghuman gyud sa SOB, nakat-on ko og appreciate sa akong value, nakat-on ko og appreciate unsay naa nako karun, ug kinsa/unsa dapat akong priorities in life. Mas nilig-on ako pagtuo in a way nga wa na nako gi-question ang mga nindot ug bati sa akong kinabuhi, ug mas less self-centered ug more empathy na sa ubang tao.

BNH: Unsa ang imong ideal man?

Corina: Mga chinito nga tag-ason,(kay nihit man kog height, hahaha), nindot mo-smile, consistent, understanding (sa kaboang sa akong utok), ug mo-effort. Plus factor na gyud nang bright, bugal-bugalon, ug music-oriented.

Ipasundayag ang Song of Bernadette The Musical diha sa Centerstage, SM Seaside karong Pebrero 16 – 19, 2018.

Ang schedule sa pasundayag mao kini ang mosunod:

Pebrero 16 - 18 – 2 p.m. ug 7 p.m.

Pebrero 19 – 10 a.m. ug 3 p.m.

Mapalit ang tickets niini gikan sa P150 (Studyante), P300 (Regular), P500 (VIP).

Alang sa ticket reservations, mahimong mopadangat og mensahe ngadto sa 0923-519-7993.

Fast Facts:

Name: Corina Lorei T. Encabo

Nickname: Coring

Birthday: January 19, 1997

School and degree program: USJR, AB in International Studies

Favorite food: Anything basta dili spicy ug bitter