Movie projects naglinya

CEBU, Philippines — Tulo ka mga pelikula ang buhatunon ni Bea Alonzo karong tuiga.  Suma pa sa aktres nga dako kaayo ang iyang pasalamat sa Star Cinema sa wala’y puas nga pagsuporta niini sa  iyang career.  Usa sa iyang  mga upcoming project mao ang pelikula kung diin makauban niya si Charo Santos.

Suportado ni bro

Mohatag og todo suporta ang aktor nga si Marco Gumabao ngadto sa iyang igsuon nga si Michele kinsa nisalmot og Bb. Pilipinas 2018. Suma pa ni Marco nga nakahisgot na ang  iyang igsuon kalabot sa plano niini nga mosalmot og pageant ug wala siya nagdahom nga gitinuod diay ang plano niini.

Bitbit ang mga mama

Nagmalampuson ang premiere night sa pelikulang Mama’s Girl  sa  Regal Films. Gidala nila ni  Sofia Andres, Jameson Blake, ug  Yanna Asistio  ang ilang mga inahan atol sa maong okasyon.  Nagmalaumon si Sofia nga mo-click ang maong pelikula.

Trabaho dayon

Kadiyot ra ang pahuway ni  Direk Mark Reyes gumikan kay pagkahuman sa My Korean Jagiya , gihatagan dayon siya og  bag-ong proyekto sa GMA-7.  Siya ang direktor sa seryemg The Cure nga pagabidahan nila ni Jennylyn Mercado, Tom Rodriguez , Mark Herras, Ken Chan, Arra San Agustin, ug  Jaclyn Jose.

Pasok si Lovi

Si Lovi Poe maoy modala isip asawa ni  Allen Dizon sa usa ka pelikula nga gamaon sa BG Films.  Nasayran nga usa si Alessandra de Rossi sa gipilian sa maong role apan  puno ang skedyul niini.

Bianca napiang

Napiang ang kamot ni Bianca King atol sa iyang pagbakasyon didto sa Japan. Sa usa ka activity nahitabo ang pagkapiang sa iyang kamot sa dihang wala siya katarong og panukod.

Billy mipasilong sa Viva

Nipirma na og kontrata si Billy Crawford sa Viva Artist Agency.  Suma pa ni Billy nga nananghid siya  og tarong sa iyang pagbiya sa kanhi niya manager nga si Arnold Vegafria. Nagmalaumon ang TV host-singer nga makabaton og daghang projects.

JC mitingog na

Dili  ganahan si JC Santos nga dakoon pa ang isyu tali kaniya ug sa iyang ex-girlfriend nga si  Teetin  Villanueva kinsa nilenggua nga dili siya kasaligan nga pagkatawo.  Una na nga gihimakak ni JC ang isyu nga nalambigit sa iyang pangalan ngadto sa iyang stylist. Suma pa sa aktor nga dili niya batasan nga mangunay sa iyang katrabaho.

Nakatabang kang Claudine

Mapasalamaton kaayo si Claudine Barretto sa iyang  psychiatrist kinsa gikonsiderar niya nga iyang   “mentor” ug  “sister” . Suma pa sa aktres nga dako kaayo kini nga natabang kaniya  sa iyang mga naagian nga kalisdanan.

Nanghatag og regalo

Usa  ang Malapascua island sa mga paboritong lugar nga suroyan nila ni Richard Guttierez ug Sarah Lahbati.   Dili pa lang dugay, nibalik na pud ang duha sa maong dapit ug nanghatag og regalo sa mga bata.  Pipila sa mga residente sa maong lugar ang nagpasalamat sa kabuotan nila ni Richard ug Sarah.