Paulo mihangyo sa publiko

CEBU, Philippines — Todo panawagan si Paulo Avelino sa moviegoers nga suportahan ang pelikula niya sa Metro Manila Film Festival 2017 nga  Ang Larawan.

Nasayran nga nag-pull out na sa pipila ka mga sinehan ang maong  pelikula sa ikaduhang adlaw sa MMFF nga gisugdan niadtong December 25.

“Huwag nating hayaang mabawasan. Manood na agad ng Ang Larawan,” suma pa ni  Paulo.

Samtang gibutyag sa tigpamaba sa MMFF   nga si Noel Ferrer nga duna sila’y kasabotan sa cinema owners nga ibalik  pagpasalida  ang maong pelikula karong January 1.

“Mayroon talaga extreme scenario na mismong mga producers ay makikita nila na, ‘Ay, hindi namin market iyan.’ Kaya ibinibigay na rin nila iyong mga theaters,” saysay pa ni Ferrer sa dihang nahinabi kini sa dzMM.