Labing unang videoserye, gikagubtan online

CEBU, Philippines — Kun ang kadaghanan ang pasultion, nisulbong ang nagkadaiyang  butang  nga gipahaom sa millennials.

Busa nisulbong usab karon ang labing una nga  online video series sa Pilipinas nga nag-ulohan og, “Kailan Darating Ang Ayoko Na?”,  nga ubos sa direksyon sa award-winning film and TV director  nga si Maryo J. de los Reyes.

Giingong swak kaayo alang sa millennials ang maong klase sa serye  gumikan kay mahimo ra kini tan-awon sa bisan unsang orasa basta duna’y  internet.

Lumad nga taga Bohol si Direk Maryo  busa  mga artista nga bisaya ang iyang gikuha  gumikan kay  regional ang ilang  target nga subay sa kamandoan sa Star Music nga maoy nag-release niini.

“Kung napansin ninyo, wala siyang  subtitles, para lalong makuryuso yung  mga  tao,  basta maganda yung istorya , “ suma pa sa direktor.

Ang  “Kailan Darating Ang Ayoko Na?” gibidahan sa kanhi sakop  sa  Masculados nga si  Orlando Sol,  kanhi housemate sa Pinoy Big Brother” (PBB) nga si  Catherine Rem (Emma) ug ang bag-ohay lang nibalik sa showbiz nga si  Blumark Roces (Charles).

Sa special screening niini sa miaging semana uban ang mga sakop sa Cebu Entertainment  Group ,  nasuta nga gawas sa istorya sa gugma, nagtangag usab kini sa tema sa lesbian, gay, bisexual and transgender (LGBT) .

Ang maong online video serye adunay lima ka episodes ug makita sa YouTube channel sa  Star Music.

Matud pa sa direktor nga base gayud sa tinuod nga istorya sa kinabuhi ang maong online series.

 “Marami kaming pinagpipilian online, meron kasing nagpadala ng iba't-ibang stories,  pinag-aralan namin hangggang napili namin ito . Siyempre yung tao na nagpadala ng   story, ayaw mag come out para naman maitago yung identity ng pamilya niya,” matud pa ni Direk Maryo.

Catherine

  Samtang si Catherine sa iyang bahin, nisaysay kini nga naka-relate gyud siya sa linya sa  titulo sa maong video serye  gumikan kay nag-agi na pud siya og kapakyasan sa iyang kinabuhi nga resulta ra pud sa  iyang binuhatan.

   Matud pa niya nga pagkahuman sa PBB, niundang gyud siya sa showbiz gumikan kay  gipili niya ang iyang nagpungasi nga lovelife sulod sa upat ka tuig.

  “Daghan gyud kaayo nga offer ang akong nadawat pagkahuman sa PBB, pero gibaliwala ra gyud nako kay gipili nako ang uyab-uyab.  Nagkadugay ang among relasyon, nakaingon gyud nga  Kailan darating ‘yung ayoko na?’, hangtud nga nakakita gyud ko og sign para tapuson na ang among relasyon. Daghan gyud ang nasayang sa akong career, binuhatan man nako, ang importante nga naka-learn ko sa akong  mga sayop, “ matud pa ni Catherine,.

   Dako ang pasalamat ni Catherine  gumikan kay nakabaton gyud siya og TV comeback  pinaagi sa primetime series sa GMA-7 nga ,“I Heart Davao” nga gibidahan nila ni Tom Rodriguez ug Carla Abellana.

“Dako gyud ko og pasalamat ni Direk Maryo, kay gitabangan gyud ko niya nga makabalik sa showbiz,  ni-promise gyud ko niya nga ampingan na gyud nako ang akong career,”  saysay pa niya.

Nasayran nga nagkaila na daan si Catherine ug Direk Maryo  sa dihang wala pa ang PBB.

“ Duna ko’y giapilan nga pageant didto sa Bohol, nahimong judge si Direk Maryo, giingnan jud ko niya nga bagay daw ko mahimong artista. Na-busy paman  ko sa school maong wala kaayo to nako masulod sa akong hunahuna, hangtud nga naabot ang time nga nakasulod ko sa PBB, ug mao to ang nahimong instrument nga nakasulod ko sa showbiz  ,”  suma pa ni Catherine.

   Sa maong video serye, gidala ni Catherine ang babaye nga kalit nga nibiya sa iyang boyfriend gumikan kay nakakita kini og lain.

 Blumark

Nadiskubre ni Direk Maryo si Blumark didto gihapon sa Bohol, ug nikisaw na pud ang pangalan niini sanglit  nahimo niya nga ka-loveteam kaniadto si  Bangs Garcia.

Duna pu’y higayon nga nakaingon  si Blumark  sa iyang kaugalingon og “Kailan Darating Ang Ayoko Na?”   sa dihang  naka-experience siya og  uyab- uyab sulod sa 12 ka tuig.

“Pinili ko talaga noon yung GF ko, may kalbaryo talaga sa pinagdadaanan namin . Kaya sinabi ko sa sarili ko na kailan darating ang ayoko na. Pagdating ng 12 years, doon ako naka-realize na ayaw ko na,” matud pa niini.

Matud pa niya nga nahilom gyud ang iyang career sulod sa taas nga panahon ug mapasalamaton siya kang Direk Maryo nga gihatagan siya og tsansa niini nga makabangon.

Midala si Blumark isip discreet gay nga na-develop ang pagbati ngadto sa iyang bestfriend nga lalaki  ug nakapahimos gyud siya niini sa dihang gibuwagan ang maong lalaki sa iyang girlfriend.

Orlando

Samtang gihulagway ni Orlando nga dili basta-basta ang “Kailan Darating Ang Ayoko Na” gumikan kay nabaid gyud ang abilidad niya sa pag-arte gumikan sa mga bug-at nga mga eksena diin gikinahanglan i-apply ang lapad nga emosyon.

Kasamtangan usab niya gi-promote karon ang debut album niya nga “Emosyon”   ug usa sa unod niini mao ang theme song sa iyang video serye nga  “Kailan Darating Ang Ayoko Na.” “

“Iba't-iba yung laman ng album, na merong iba't-ibang emosyon. Merong kanta na para sa nanay, para sa kaibigan, sa bagets , o para sa mga nanliligaw at  iba pa,” matud pa ni Orlando.

Ang ubang unod niini naglangkob sa “Ingatan Mo Ang Salitang Mahal Kita,” “Lilipad Ako Nay,” “Kaibigan,” ug “I’ll Always Be There” nga gipaluyohan gihapon sa Star Music.

Sa “ Kailan Darating Ang Ayoko Na” nidala  siya sa karakter  sa usa ka lalaki nga gibuwagan  sa iyang girlfriend  gumikan kay nakakita og lain. Sa maong video serye,  makita usab ang mga init nga mga  eksena.

Samtang si Direk Maryo sa iyang bahin, nibutyag nga   dili na bag-o alang kaniya  ang proyekto nga duna’y mga mapangahason nga tema.

“Dapat lang na merong ganyang tema,   yung sex, isa yang cinematic expression,   marami na akong nakatrabaho na mga bigating artista, at hindi nagrereklamo dahil maayos ang pag-alaga ko sa kanila noong ginawa nila ang naturang eksena.  Sa totoo lang, hindi talaga tinanggal ang lahat  ng kanilang sinusuot. Kung ano ang private, mapapanatiling private yan.  Noon paman, hindi ko talaga pinahubad ng todo ang mga artista ko,“ saysay pa sa direktor.

Nagmalaumon usab si Direk Maryo nga mo-click ang video serye nga iyang gigama karon gumikan kay daghan gyud ang maka-relate sa istorya niini. (BANAT NEWS)