Peanut Butter Cookies

Samtang nagtagamtam ta karon sa lain na usab nga long weekend, angayan nga kat-unon usab kining sayun ug dali ra gyud nga mabuhat nga recipe nga gitudlo gikan sa  allrecipes.com.

Gawas nga sayon kini, makat-on usab ang mga bata ug ang beginners sa pag-bake kon unsa ang husto nga proseso sa pagmugna niini.

Gani, maka-budget usab ang atong mga momshies tungod kay nagkinahanglan lang kini og tulo ka sagol aron makamugna og hugyaw nga cookies nga siguradong kagubtan sa atong mga kabanay ilabi na sa chikiting sa balay.

Mga sagol:

• 1 cup sa peanut butter

• 1 cup nga puti nga asukar

• 1 ka itlog

Ang Proseso:

1. Gamit ang oven, painiton kini ngadto sa 350 degrees F (175 degrees C).

2. Karon, gamit ang usa ka lawom nga panaksan, isagol ang peanut butter, puti nga asukar ug ang itlog (wala nabatil).

3. I-mix kini hangtod sa mohumok kini.

4. Gamit ang kutsara, magkuha og ginagmay nga parte sa peanut butter mixture ug maghulma og nagkadaiyang porma (shapes) ug imasa dayon kini ibabaw sa flat nga plato o sa tray.

5. Ibutang na kini sa oven ug i-bake sulod sa 6 – 8 ka minutos. Timan-an nga dili kini pasobraan og bake.

6. Mas lami ang cookies ug humok ug dili paig ang ilawom nga parte niini.

7. Human og bake, mamahimo na kini nga i-serve.Mas lami usab kini og adunay jam sa ibabaw niini. Lami usab kini og ipares kini sa gatas sa mga bata.