Happy Palm Sunday mga KaBisChika! Palm Sunday na ug mao na kini nagtimaan nga magsugod na ang Holy Week. Importante kaayo kini kanato isip mga Katoliko. Pero ang inyong Yur's truly magpadayun gihapon sa paghatud og mga BisChika alang gayud kaninyo.
NaHugyaw ko sa giBisChika sa atong Kinsa Siya Insider mahitungod sa usa ka sikat nga singer nga adunay gikaon. Ang BisChika pagkahuman sa iyang performance o show sa usa ka mall, nisulod si sikat nga singer sa dressing room ug aduna siya'y gihunghung sa iyang handler ug kalit kining nilakaw. Pila ka minutos, pagbalik niini nagbitbit na kini og pagkaon. Ni lenggua ang iyang handler nga kun pwede mugawas ang ubang mga tawo nga naa sa sulod sa dressing room. Nahibulong ang Kinsa Siya Insider nganong pagawson man? Mauwaw ba kining sikat nga singer nga magkaon? O diba kaha maglaway ang uban? Hahahahaha! Tuod man, nanggawas daw ang ubang tawo sa maong dressing room sama sa mga local dancers ug singers apil na niini ang ubang local staff sa maong show.
Aduna'y mas lawom nga rason nganong gipagawas ang mga tawo sa dressing room-- dili pwede magkuha og hulagway ang request sa maong sikat nga singer. Ang dakong rason kay...endorser siya og usa ka produkto ug ang iyang gikaon kompetensya sa iyang endorsement! Di ba Hugyaw?
Kinsa Siya nga sikat nga singer? Usa ka lalake apan dunay pagduda sa iyang status kun lalake ba gyud kini! Unsa nga produkto? Makaon nga og sige ka’g kaon pwede naka mulupad! Hahahahaha!
Congratulations sa mga crew and staff sa SULCI HANDICRAFTS COLLECTIONS para sa ilang Hugyaw nga Fashion Show ( A way to Glam and Greatness ) featuring the local designers of Carcar, City. Nahimong instant model ang among beauty kay ang pagsugod sa event papasuhon sa stage ang mga bisita. Rampa with feelings ang among beauty kauban si Ferliza Contratista ug Kabanatanay Jaypee Lao isip mga invited media.
Labing unang higayon nga dunay dakong fashion show featuring mga produkto sa Sulci. Ang mga local designers sa ilang handicrafts mao na usab ang nag model niini kauban ang mga local talents sa Carcar City, gikan sa singers, folk and hiphop dancers, ramp models ug local fashion designers.
Gipanguluhan ni Satomi Sekiya, ang Head Designer sa Sulci Handicrafts nga taga Shinagawa-Ku, Tokyo, Japan nga nahigugma sa Cebu pagkahuman niyang nagsuroy suroy sa Pilipinas sa dihang iyang gisirad-an ang iyang tindahan sa Japan. Nailaila niya ang iyang partner in business nga si Lucil A. Barbieros sa Fair Trade Shop, kay atong panahona nangita si Satomi og mga kababainhan nga pwede matudluan og paggansilyo ug si Lucil iyang gi-introduce sa mga kababaihan sa Carcar. Didto nagsugod ang partnership ni Satomi ug Lucil.
Hugyaw ang una nilang fashion show ug malipayon kaayo ang inyong Yur's truly nga nahimong kabahin sa ilang programa. Sa dili madugay atong makit-an sa laing nasod ang mga Sulci products kay dunay dakong plano ang ilang kumpaniya. Sa mga gusto mobisita ug motan aw sa ilang produkto tawag lang sa 0917 8463708 pangitaa si Lucil Barbieros, Executive Director
Ang maong fashion show kay directed by Kinkin Sanchez.