Laing adlaw na usab sa pagpanikaysikay, mao nga magkinahanglan gyud kita og ngilngig nga ilimnon aron makalikay usab kita sa gitawag nga "energy gap". Apan dili kini agi og pag-endorso sa usa ka produkto apan usa kini sa pagbatbat nga kanunay gyud nato likayan ang pagpakapoy ug pagpahago sa atong lawas.
Puwes, ato suwayan ang paggama og cereal milk latte, suma pa sa spoonuniversity.com nga palahi kini nga klase sa ilimnon gumikan kay aduna kini palahi nga pamaagi sa pag-andam. Kini nga matang sa ilimnon , mahimo lang kini sa pipila ka minutos nga dili na kinahanglan nga mahago.
Mga sagol ug gamit:
1/2 nga tasa nga gatas
1/2 nga tasa nga cereal
3/4 nga tasa nga kape
kutsara
garapon
baso
Proseso:
1. Ibutang ang gatas ug ang cereal sa baso nga puwede masulod sa microwave. Kutawon kini.
2. Isulod sa microwave ang baso. Kinahanglan mapainit kini sulod sa 30 segundos.
3. Human kini mapagawas sa microwave, kuhaon ang mga cereal gamit ang kutsara.
4. Ibutang ang gatas sa garapon ug uyugon sulod sa usa ka minuto.
5. Human sa pag-uyog niini, ibutang na ang gatas sa laing limpyo nga baso.
6. Ibubo sa ibabaw sa gatas ang kinutaw nga kape.
7. Mamahimo na kining imnon.