Black Sambo

Kun duna’y mga dagkong okasyon, dili gyud na mawala sa lamesa ang gitawag og dessert  aron pampawala sa ngilgig.

Magpalahi ta karon, atong suwayan ang dili kaayo common nga dessert, kini ang Black Sambo. Ayaw kabalaka , dili kini   bug-at sa bulsa ug sayon ra usab makit-an sa merkado  ang mga sagol niini .

Alang sa kasayuran sa tanan, kining klase sa pagkaon adunay duha ka hut-ong nga pagahimuon. Mahimo usab nga hangtod sa upat ka hut-ong apan depende ra gyud na nimo. Mao nga kinahanglan  nga pagahatagan kini og konsentrasyon sa paghimo.

Sa unang hut-ong (milky white nga parte)

Mga sagol:

1 ka dako nga lata sa Cream

1 ka dako nga lata sa kondensada

2 putos sa walay templa nga Knox gelatin

Proseso:

1.Palanayon ang duha ka putos nga gelatin sa tunga nga tasa nga adunay  bugnaw’ng tubig.

2.Isagol ang cream ug kondensada sa kaha nga adunay hinay lang nga kaayo nga sug-angan. Kutawon hangtod nga molapot.

3.Idungag ang nalanay nga gelatin sa kaha ug kutawon pag-usab hangtod sa  10 minutos.

4. Ibutang kini sa limpyo nga sudlanan ug isulod sa refrigerator.

5. Human sa pipila ka minutos nga pagpabugnaw ug pagpagahi, pagahimuon na ang ikaduhang hut-ong.

B. Ikaduhang hut-ong (tsokolate nga parte)

Mga Sagol:

1 ka dakong lata sa evaporada

1 ka tasa sa puti nga asukar

1/2 nga tasa sa tsokalate nga syrup

2 ka putos nga walay templa nga knox  Gelatin

Proseso:

1.  Palanayon ang tsokolate sa usa ka tasa nga init tubig

2. Palanayon ang duha ka putos sa Knox gelatin sa tunga nga tasa nga bugnaw’ng tubig.

3. Isagol ang evaporada, asukar ug tsokolate sa kaha nga anaa ibabaw sa sug-angan nga adunay hinay lang nga kayo. Kutawon kini sa pipila ka minutos.

4. Idugang ang nalanay nga Knox sa kaha ug ipadayun ang pagkutaw.

5. Human sa 10 ka minutos nga pagkutaw, pagbugnawon na kini.

6. Itapot kini sa unang hut-ong ug ibutang sa refrigerator pagbalik.

7. Human pagpagahi niini, mahimo na kining i-serve ug kan-on kauban ang imong mga kabanay.