“Puhon", "Pero Atik Ra”

CEBU, Philippines - Pormal nga gipaambitan sa banggiitang composer nga si Jude Gitamondoc ang mga bag-o niya nga awit nga gipaabot nga mopatok sa masa.

Kining maong mga kanta maoy bag-ong installment sa gitawag niya og #HahahasulaSerye , ug nag-ulohan og “Puhon” ug “Pero Atik Ra.”

Si Kurt Fick kinsa unang naila pinaagi sa awit nga “Hahahasula” maoy naghatag og kinabuhi sa “Puhon.” Ang labing unang Sinulog Idol champion nga si Jacky Chang  maoy nag-awit sa “Pero Atik Ra.”

“Ang Puhon bahin sa tawong naglaom apan di ganahan mag-assume. Happy ra siya sa higayon nga magkakuyog sila sa iyang tawong gihigugma, samtang naglaom siya nga duna sila’y kapadulngan sa ilang relasyon. Matud pa sa kanta, ‘Good na gyud ko sa puhon,” pasabot pa ni Jude dinhi sa Banat News Hugyaw (BNH).

Samtang ang usa “Pero Atik Ra” sinuwat ni Jude kauban si Banat News columnist ug Hugot Prince nga si Rowell Ucat nga nailhan sa kadaghanan isip Medyo Maldito.

“Mensahe  sa   “Pero Atik Ra” mao ang  tawong nagtoo’ng naka-move on na siya. Matud pa niya, “Nagkatawa kong naghunahuna/ Nganong naglisud ko’g move on nimo sa una.” Apan bawion ni niya sa katapusan sa pag-ingon og “Pero atik ra ha...”, paambit pa ni Jude. Padayon pa niya, “Bisag maoy ang kanta, makalingaw gihapon kini tungod kay puno ni sa classic hugot lines ni Medyo Maldito.”

Sila si Jude ug Medyo Maldito maoy nagmugna sa Hahahasula nga nisikat pag-ayo .

Sa  bag-o nila nga awit, gipaneguro nilang duha nga  mahimuot pag-ayo ang listeners.

“Mas light ug lingaw ang ‘Puhon’. Mas hopeful sad siya. Classic maoy ang Pero Atik Ra, pero sama sa HAHAHAHasula, duna ni sagol nga pasiaw. Kanang type nga maghilak ka samtang magkatawa. Mahibaw-an ra puhon kung ngano kining mga kantaha ang sumusunod sa serye nga sugilanon inig pagawas namo sa mga music videos. Basta sa last nga video, nag-abot na finally si Kurt ug Jacquiline sa Fuente Osmeña,” tug-an pa  ni Jude.

Angayan atngan ang giandam nila nga mga music video ug masaligon sila nga mohangop niini ang publiko, sama ka init sa suporta nga ilang nadawat sa Hahahasula.

 “We’ll be releasing the music videos of both songs at the same time. Makit-an sa music video ang sugilanon kung nganong gikanta ni nila Kurt ug Jacquiline. So please watch out for that! After this, you can expect three more songs from #HAHAHAHasulaSerye before we wrap up the series. In the meantime, Fatboys Production is in pre-production for another music video series, this time featuring Von Saw,”  matud pa ni Jude.

Gikalipay pag-ayo ni Jude nga nagmalambuon ang music industry sa Sugbo ug usa sa nagpamatuod niini ang pag-idolo sa katawhan sa mga Binisaya nga kanta.

“Makalingaw ang mga love songs nga Binisaya kay bisag ballad kini, duna siya’y wit ug sense of humor, which is quite unlike the usual OPM fare. Makaingon gyud ka nga unique gyud ang Bisaya sensibilities and that adds to the colorful spectrum of the Filipino identity,” panapos pa ni Jude.

Puhon

Music and lyrics by Jude Gitamondoc

Performed by Kurt Fick

Back-up vocals by Jacqueline Chang

Guitars arranged and performed by Henrick Pestaño

Produced by Jude Gitamondoc

Di ko mosaad og forever

Ako ug ikaw

Ang importante we’ll be together

For here and for now

Puhon, maayong lawas

We’ll know our love is true

Apan karon, I think

The best thing I can do

Is getting to know you...

Wa ko kahibaw asa ka gikan

Ug wa ko kabalo asa ta paingon

Ug di na lang ko magdahom

Wala ma’y kagahapon nga mahisgutan

Aduna ta’y karon, mao nang sa pagkakaron

Good na gyud ko sa… puhon, puhon, puhon

Duna pa’y higayon… puhon, puhon

Ang gugma nga pang now or never

Can be over too fast

Mao nang ako, I would rather wait for

Kanang the kind of love that will last

Puhon, kita gihapon

Ang maghigugmaay

Though only time will tell

If it’s really you and I

I’m willing to try…

Wa ko kahibaw asa ka gikan

Ug wa ko kabalo asa ta paingon

Ug di na lang ko magdahom

Wala ma’y kagahapon nga mahisgutan

Aduna ta’y karon, mao nang sa pagkakaron

Good na gyud ko sa… puhon

Ug bisan dili pa karon

Ang tukmang panahon

At least kung duna pa’y ugma

Ug duna’y higayon

Aduna pa’y paglaum...

Wa ko kahibaw asa ka gikan

Ug wa ko kabalo asa ta paingon

Ug di na lang ko magdahom

Wala ma’y kagahapon nga mahisgutan

Aduna ta’y karon, mao nang sa pagkakaron

Bisag asa man ta puniton

Good na gyud ko sa… puhon, puhon, puhon

Duna pa’y higayon… puhon, puhon

Puhon, puhon, puhon

Duna pa’y higayon… puhon, puhon

Magka-kita ra nya… puhon.

Pero atik ra

Music by: Jude Gitamondoc,

Lyrics by:  Rowell Ucat  (Medyo Maldito) and Jude Gitamondoc

Performed by: Jacqueline Chang

Magkatawa ko’ng maghunahuna

Nganong naglisod ko’g move on nimo sa una

Di ba limtanon man gyud unta ko

Ambot og naunsa to di gyud ko kalimot nimo

Apan karon nabag-o na

Ballpen man gani mawala

Feelings pa kaha...

Diri na lang ko kutob

Diri na lang ko taman

Dili na ko mogukod

Sa taw’ng kusog modagan

Kay kung di gyud, di gyud

Wa na ta’y pugsanay

Ay’na lang

Ay’na ko’g atika

Pero atik ra ha, ha

Atik ra ha, ha

Atik ra ha, ha

Atik ra...

Move on, move on, murag uyab

Ambot ning dughan ko pataka la’g pasagad

Ngano mang naglisud ko og buhi

Nga wa man ta ko guniti, pugngi sad ko bi

Unta karon ako makat-on na

Nga wa gyud ko’y maani

Ning gugmang hatag bawi...

Diri na lang ko kutob

Diri na lang ko taman

Dili na ko mogukod

Sa taw’ng kusog modagan

Kay kung di gyud, di gyud

Wa na ta’y pugsanay

Ay’na lang

Ay’na ko’g atika…

Undo

Maghinayhinay na lang ko’g palayo

Maghinayhinay lang

Kay basin pa diay

Maapsan pa ko nimo

Pero atik ra…

Diri na lang ko kutob

Diri na lang ko taman

Dili na ko mogukod

Sa taw’ng kusog modagan

Kay kung di gyud, di gyud

Wa na ta’y pugsanay

Ay’na lang

Ay’na ko’g atika

Dili na ko mag-assume

Dili na ko magpada

Dili na ko magpatonto

Nimo nga paasa

Kay kung di gyud, di gyud

Wa na ta’y pugsanay

Ay’na lang

Ay’na ko’g atika

Pero atik ra ha, ha

Atik ra ha, ha

Atik ra ha, ha

Atik ra

Atik ra ha, ha

Atik ra ha, ha

Atik ra ha, ha

Atik ra...