Roadmap to Lent

BisChika nga Domingo mga SKB! Semana Santa na mao nga dili lang dagat ug bakasyon ang atong ibutang sa checklist kun dili apil ang mga religious activities para mo balanse sa atong kinabuhi. Ikaduhang tuig na namo kauban ang akong prayer buddy nga si Gilbert Manego nga mupahigayon og roadmap to Lenten season. Mao nga nagsugod na kini niaging mga semana. Ang Pang-BuenaMano namo sa among grupo nga BBRANGS-y kay nag gift giving sa Cordova area. Niaging semana kay gitikang namo ang Q-Park sa Compostela. Nindot kaayo ang lugar makapamalandong gyud ka. First time nako sa maong lugar ug first time nako mag station of the Cross. Nagsugod mi mga 10:30am, nahuman mi mga 12:30pm na. Medyo hangak kay mokatkat ka og bungtod gamay, singot ug uhaw kay init kaayo ang panahon. Ang nagbasa sa first ug second station prayer kay si PB Gilbert pero pag station 3 iya kining gihatag kanako. Ako usab nibasa sa pamalandong ug pag-ampo pero unsa man pagkahitaboa nga sa pagbasa nako sa matag station mura man pud ko’g makahilak, mutulo ang mga gagmay nga luha. Na-picture out nako ang kinabuhi ni Jesus. Daghan ka’g mga realizations in life. Human sa maong station of the cross, abtikay nga paniudto unya nagbisita iglesia mi, duha ka simbahan among gibisita. Nanguli mi nga dunay mga pahiyom sa among mga nawong. 

Nagpadayun ang akong road map to Lenten season sa akong mother network pinaagi sa pag repack sa mga goods sama sa bugas, noodles ug sardinas. Ang maong goods nga na repack kay among ihatag sa mga nasunugan sa Mandaue. Malipayon ko nga nagrepack kauban ang mga women sa barangay Busay, unya nalipay pud ko kay naabot ang usa sa mga admin sa aldubcebu nga si Cindy. Malingaw ko sa mga nanay kay daghan kaayo og BisChika gikan sa showbiz hangtud sa politika ug sa inadlaw-adlaw nga panginabuhi. Tuod man basta magkahiusa ang tanan dali kaayo mahuman ang trabaho ug makaingon ko nga Hugyaw! 

Sa makausa pa ayaw kamo ug kalimot sa among Opening Salvo Show sa bag-o lang nga naporma nga grupo ang Cebu Performers Club. Sigurado nga puno sa katawa ug kalingawan ang hatod namo kaninyo. Ang tickets P250 with free drink and pulutan. Kita kits sa Cebu Business Hotel! 

Plus invite pa tamo nga ang Jeunesse Cebu adunay Product Presentation on March 22 at 3pm at Waterfront Lahug, Teatro Casino!  I would like to invite you to join us and confirm a seat for you.  Would you come? See you there!